Qazaqstan Respýblıkasy Ulttyq Bankiniń resmı habary

Almaty 2015 jylǵy 28 tamyz Eskertkish monetalardy aınalysqa  shyǵarý týraly «Qazaqstan Respýblıkasynyń Ulttyq Banki týraly» 1995 jyl­ǵy 30 naýryzdaǵy Qazaqstan Respýb­lıkasynyń № 2155 Zańyna sáıkes Qazaqstan Respýblıkasynyń Ulttyq Banki 2015 jylǵy 28 tamyzda nomınaldyq quny 50 teńgelik, neızılber qospasynan «Qazaqstannyń qalalary» monetalar serııasynan «Astana», «Almaty», «Kókshetaý», «Shymkent» eskertkish monetalaryn aınalysqa shyǵarady. Eskertkish monetalardyń bet jaqtaryndaǵy (aversindegi) beıne­leri birdeı. «Astana», «Almaty», «Kókshe­taý», «Shymkent» eskertkish mone­ta­larynyń bet jaǵynyń sıpattamasy: Monetalardyń bet jaǵynda (aversinde) ortalyq bóliginde monetanyń nomınalyn bildiretin «50 TEŃGE» degen jazý bar. Joǵarǵy bóliginde oıý-órnekti segiz buryshty rozetka, tómengi bóliginde – ulttyq oıý-órnek elementi. Nomınaldyń oń jaǵynda «QUB» degen abbrevıatýra ornalasqan. Aınaldyra shyǵyńqy jıek. «Astana» eskertkish mone­ta­sy­nyń syrt jaǵy­nyń sıpattamasy: Monetanyń syrt jaǵynda (rever­sinde) ortalyq bóliginde Astana qalasynyń gerbi beınelengen. Aı­naldyra memlekettik tilde «QAZAQSTAN RESPÝBLIKASY» degen jazý, monetanyń soǵylǵan jylyn bildiretin «2015» degen san jáne shyǵyńqy jıek júrgizilgen. Jazý men san núktelermen bólingen. «Almaty» eskertkish mone­ta­synyń syrt jaǵy­nyń sıpattamasy: Monetanyń syrt jaǵynda (rever­sinde) ortalyq bóliginde Almaty qalasynyń gerbi beınelengen. Aınaldyra memlekettik tilde «QAZAQSTAN RESPÝBLIKASY» degen jazý, monetanyń soǵylǵan jylyn bildiretin «2015» degen san jáne shyǵyńqy jıek júrgizilgen. Jazý men san núktelermen bólingen. «Kókshetaý» eskertkish mone­tasynyń syrt jaǵynyń sıpattamasy: Monetanyń syrt jaǵynda (rever­sinde) ortalyq bóliginde Kókshetaý qalasynyń gerbi beınelengen. Aınaldyra memlekettik tilde «QAZAQSTAN RESPÝBLIKASY» degen jazý, monetanyń soǵylǵan jylyn bildiretin «2015» degen san jáne shyǵyńqy jıek júrgizilgen. Jazý men san núktelermen bólingen. «Shymkent» eskertkish mone­tasynyń syrt jaǵynyń sıpattamasy: Monetanyń syrt jaǵynda (rever­sinde) ortalyq bóliginde Shymkent qalasynyń gerbi beınelengen. Aınal­dyra memlekettik tilde «QAZAQSTAN RESPÝBLIKASY» degen jazý, monetanyń soǵyl­ǵan jylyn bildiretin «2015» degen san jáne shy­ǵyńqy jıek júrgizilgen. Jazý men san núktelermen bólingen. Monetalardyń bet jaǵyndaǵy jáne syrt jaǵyn­daǵy beıneler men jazýlar bederlengen. Qyry (gýrty) bederli. Monetalar «neızılber» qospa­synan jasalǵan, dıametri – 23 mm, massasy – 4,71 gramm, árbireýiniń taralymy – 50 myń dana. Eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady. Qazaqstan Respýblıkasy Ulttyq Bankiniń osy resmı habarǵa túsindirmesi Eskertkish monetalardy «Qazaq­stan Respýblıkasy Ulttyq Ban­kiniń Qazaqstan teńge saraıy» sharýa­­shylyq júrgizý quqyǵyndaǵy respýblıkalyq memlekettik kásip­orny daıyndaǵan. Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi – ulttyq valıýta banknottary men monetalary dızaınynyń tujy­rym­damasyna sáıkes ázirlengen. Árbir ataýdaǵy monetalardyń bir myń danasy jaqsartylǵan sapamen daıyndaldy jáne arnaıy plastıkalyq termovakýýmdy oraýmen satýǵa arnap shyǵaryldy. «Astana» monetasy eki myń dana sanmen «Qazaqstannyń qalalary» serııasynyń monetalaryna arnalǵan albom túrindegi oraýǵa oralǵan. Monetalardy Qazaqstan Respýb­lıkasy Ulttyq Bankiniń barlyq fılıaldarynda satyp alýǵa bolady. Almaty qalasynda myna mekenjaı boıynsha satyp alýǵa bolady: Panfılov kóshesi, 98. Anyqtama úshin telefony: (727) 273-83-98.