100 naqty qadam jáne biz

Elbasynyń kóregendi saıasatyn taǵy bir qyrynan aıqyndaǵan joba – Ult jospary, ıaǵnı bes ınstıtýttyq reformasyn júzege asyrýǵa baǵyttalǵan «100 naqty qadam» ekeni anyq. Ult josparynda densaýlyq saqtaý salasy da keńinen aıtylǵan. Búgingi kúni aýyl medısınasy árbir turǵynnyń densaýlyq saqtaý mekemelerine qaralýyn qadaǵalaıtyn Biryńǵaı ulttyq júıesin engizýmen erekshelenip otyr. Iаǵnı, aýyl dárigerleriniń árbir pasıentti qabyldaýy bir­den elektrondyq bazaǵa engi­zilip, ashyq túrde kórsetiledi. Densaýlyq saqtaýdy damytýdyń 2011-2015 jyldarǵa arnalǵan «Salamatty Qazaqstan» memle­kettik baǵdarlamasynyń aıasynda bastapqy medısınalyq-sanıtarlyq kómek júıesin jetildirý men odan ári damytýǵa basymdylyq berildi. Osyǵan oraı, Jýaly aýda­nyndaǵy emhanalar men basqa da medısınalyq mekemelerdiń barlyǵy kompıýtermen qam­ty­lyp, ınternet jelisine qosylǵan. Búginde elektrondyq baılanys densaýlyq saqtaýdyń birqatar aqparattyq júıelerin paıdalaný, naýqastar týraly aqparattardy almasý barysynda menedjerlerge jedel aqparat alýǵa jáne óz ýaqytynda basqarýshylyq sheshimder qabyldaýǵa múmkindik berýde. Bekitilgen halyq tizimine Jýaly aýdany boıynsha 50 myń adam tirkelgen. Sondaı-aq, aýdandaǵy dárigerlik ambýlatorııa men medısınalyq pýnktter telefon jelisimen qamtylǵan. Bul shalǵaıdaǵy medısınalyq pýnktterdiń aýdandyq aýrýhana men emhana dárigerlerimen habarlasyp, jedel sheshim qabyldaýǵa múmkindik berýde. Jalpy alǵanda, aýdan boıynsha ortalyq aýrýhana, emhana, týberkýlezge qarsy dıspanser, 8 dárigerlik ambýlatorııa, 5 FAP jáne 32 medısınalyq pýnkt qyzmet kórsetýde. Aýdan­dyq aýrýhanada telemedısına ortalyǵy jumys isteıdi. Aýyr naýqastar túsken jaǵdaıda ke­zekshi dárigerler «telemedısına kópirin» paıdalana otyryp, oblys ortalyǵyndaǵy dárigerlerden aqyl-keńes ala alady. Jyldan-jylǵa aýdannyń densaýlyq saqtaý salasyna bólinetin qarjy kólemi artyp keledi, 2012 jyly bólingen qarajat 754 382 myń teńgeni qurasa, ótken jyly ol 931 385 myń teńgeni qurady. BMSK-dy ǵımaratpen jab­dyq­taý máselesine sońǵy 4 jylda kóp kóńil bólinip, jańadan 10 medpýnkt pen 1 dárigerlik ambýlatorııa ǵımaraty turǵyzylyp, paıdalanýǵa berildi. Keńestik kezeńnen qalǵan ártúrli ve­dom­s­­tvo­­lardyń, ákimdikterdiń teń­ge­rimindegi medısınalyq mekemeler ǵımaraty ortalyq aýrýhananyń teńgerimine qaıta alynyp, kúrdeli jóndeýden ótkizildi. Endi aldaǵy jyldarda 3 dárigerlik ambýlatorııa men 4 feldsherlik pýnkt ǵımaratyn salý josparlanýda. Aýdandyq aýrýhana zamanaýı apparattarmen jabdyqtalǵan. Medısınalyq qural-jabdyqtarmen qamtamasyz etý kórsetkishi 32-den 79 paıyzǵa jetti, 8 dárigerlik ambýlatorııa medısınalyq kólikpen qamtylǵan. «Salamatty Qazaqstan» baǵdar­lamasy boıynsha quramynda 11 maman dárigerlerden quralǵan jyljymaly medısınalyq kabınet shalǵaıda ornalasqan Qoshqarata, Bılikól, Aqtóbe, Kúreńbel aýyly turǵyndaryna medısınalyq kómek kórsetýde. Bul dárigerlik brıgada jyljymaly avtoflıýrografpen qamtylǵan. Sondaı-aq, temirjol boıynda ornalasqan Shaqpaq, Surym, Kúrkireý sý razezderindegi turǵyndarǵa «Densaýlyq poıyzy» medısınalyq kómek kórsetti. Biryńǵaı ulttyq densaýlyq saqtaý júıesiniń engizilýine baılanysty joǵary kórsetkishterge jetkeni úshin Jýaly aýdandyq ortalyq aýrýhanasy QR Den­saýlyq saqtaý mınıstrliginiń buıryǵymen «Eń úzdik 50 aýrý­hananyń» qataryna engizildi. Shyny kerek, aýyl medısınasyna Biryńǵaı ulttyq densaýlyq saqtaý júıesiniń engizilýi úlken serpin berdi. Eldiń dárigerlik kómekke júginýine tolyq múm­kindigi bar, osyǵan oraı árbir pasıentke qoljetimdi ári sapaly medısınalyq kómek kórsetilýde. Seıithan JUMAShEV, Jýaly aýdandyq ortalyq aýrýhanasynyń bas dárigeri. Jambyl oblysy.