Almatydaǵy Qazaq ulttyq agrarlyq ýnıversıtetinde «Oljas Súleımenov júldesi» úshin ardagerler arasynda voleıboldan IX halyqaralyq týrnır ótti.
Týrnırge ardagerler, Parlament Májilisiniń depýtattary, oblys ákimderi, sýdıalar qatysty. Oljas Súleımenovtiń ózi de Qazaq ulttyq agrarlyq ýnıversıteti komandasynyń sapynda boldy. Atalǵan sharaǵa Qazaqstannan barlyǵy 9 komanda qatysty. – Ardagerler arasynda voleıboldan jarys uıymdastyrǵanymyzǵa bıyl – 10 jyl. Bul isimiz keıingi urpaqqa, jastarǵa úlgi bolady ǵoı dep oılaımyn, – deıdi aqyn jýrnalısterge sport alańy ústinde bergen shaǵyn suhbatynda. Qazaq ulttyq agrarlyq ýnıversıtetinde «Oljas Súleımenov atyndaǵy áleýmettik-gýmanıtarlyq bilim berý jáne tárbıe ınstıtýty» toǵyz jyldan beri jumys isteıdi. Sondyqtan da qaıratker tulǵa osynda oqıtyn stýdenttermen jıi kezdesip turady. Jastarmen júzdesý barysynda Oljas Omaruly beıbitshilik, elimizdiń ekologııalyq máselelerin jáne joǵary oqý oryndarynyń halyqaralyq bilim keńistigine kirýi týraly óz paıymdaýlaryn aıtyp, keń otyryp pikir almasady. Úsh kúnge sozylǵan respýblıkalyq qyzyqty jarysta aqynnyń komandasy aýyspaly kýbokty taǵy da óz ıelikterinde qaldyrdy.
Qazbek SULTANBEK, stýdent.
