Aımaqtaǵy turaqtylyq pen qaýipsizdik – basty nazarda

Astana qalasyndaǵy Táýelsizdik saraıynda Shanhaı Yntymaqtastyq Uıymyna múshe memleketter bas pro­kýrorlarynyń 13-shi otyrysy ótti. Oty­rys jumysyna Qazaqstan Res­pýblıkasynyń Bas prokýrory Ashat Daýylbaev, Qytaı Halyq Respýblıkasy Joǵarǵy halyq prokýratýrasynyń Bas prokýrory Sao Szıanmın, Qyr­ǵyz Respýblıkasynyń Bas prokýrory Indıra Djoldýbaeva, Reseı Fede­ra­sııasynyń Bas prokýrory Iýrıı Chaıka, Tájikstan Respýblıkasynyń Bas prokýrory Iýsýf Rahmon, О́zbekstan Res­pýblıkasynyń Bas prokýrory Ihtııor Abdýllaevtyń basshylyǵymen delega­sııalar, sondaı-aq ShYU-nyń Bas hat­­shysy Dmıtrıı Mezensev jáne ShYU-nyń Aımaqtyq antıterrorıstik qu­rylymy atqarýshy komıteti dırek­tory­nyń orynbasary Ahtamhon Pırov qatysty. ShYU-nyń baqylaýshy-memleket­teri bas prokýrorlarynyń qatysýy forýmnyń jumysyn jańa mazmunmen tolyqtyrdy, olar: Aýǵanstan Is­lam Respýblıkasynyń Bas prokýro­ry Djalal Nýr Habıb, Belarýs Res­pýb­lıkasynyń Bas prokýrory Aleksandr Konıýk, Úndistannyń Bas prokýrory Mýkýl Rohatgı, Mońǵolııanyń Bas pro­ký­rory Enh-Amgalan Magvannorov, Pákistan Islam Respýblıkasy Bas pro­kýrorynyń orynbasary Naser Ahmed Bhýtta. Qazaqstan Respýblıkasy Prezı­denti­niń kómekshisi – Qaýipsizdik Keńesi­niń hatshysy Nurlan Ermekbaev jıyn­nyń ashylýynda sóz sóılep, ShYU aıa­syn­daǵy ózara yntymaqtastyqtyń jańa baǵdarlaryn anyqtady. Ashat Daýylbaev otyrysty ashyp, Shanhaı Yntymaqtastyq Uıymy úshin aımaqta turaqtylyqty jáne qaýip­sizdikti qamtamasyz etý máse­leleri árqashan nazarda bolǵanyn atap ótti. ShYU-ǵa múshe-memleketter pro­ký­ratýralarynyń birlesken kúsh-jigeri arqasynda osy uıymnyń tıimdi jumys isteýine berik negiz qalandy, bul senim men ózara túsinistiktiń joǵary deńgeıin kórsetedi. Sondyqtan prokýratýra or­gan­darynyń suhbattasý alańy jáne yntymaqtastyqtyń qurylǵan júıesi memleket basshylary belgilegen jos­parlardy iske asyrý úshin úlken múm­kin­dik týǵyzdy. Forým barysynda terrorızmmen jáne ekstremızmmen kúres, esirtki jáne qarýdyń zańsyz aınalymy, trans­shekaralyq qylmystardyń basqa da túrleri men zańsyz kóshi-qon salasynda tájirıbe almasý máseleleriniń keń aýqymy talqylandy. Qatysýshylar terrorızm men ekstremızm sııaqty qazirgi zamannyń eń qaýipti qubylystary búginde halyq­aralyq sıpat alǵanyn jáne olardyń áskerı, ekonomıkalyq qýaty men dinı senimine táýelsiz barlyq memleketterdi qozǵaǵanyn atap ótti. О́z kezeginde A.Daýylbaev terro­rıstik áreketterge Qazaq­stannyń negizgi kúsh-jigeri qazir dinı radıkaldardyń qylmystyq pıǵyl­darynyń aldyn alýǵa jáne ýaqtyly anyqtaýǵa baǵyttalǵan dep basa aıtty. Qazaqstan ekstremızm jáne terrorızmmen halyqaralyq kúres aıasynda úlken jáne júıeli jumysty júrgizýde. Bizdiń elimiz BUU-nyń terrorızmmen kúrestegi barlyq 14 halyqaralyq ámbebap konvensııalaryna qosyldy, Or­talyq Azııa aımaǵyndaǵy qaýipsiz­dik pen turaqtylyqty qamtamasyz etý úshin memleketterdiń birigýine bas­tamashylardyń biri bolyp tabylady. Sondaı-aq, otyrysqa qatysýshylar quzy­retine ShYU-nyń múshe-memleket­teriniń shekaralary arqyly esirtkilik quraldardy, psıhotroptyq zattardy jáne olardyń prekýrsorlaryn zańsyz alyp ótýge qarsy áreket etý boıynsha mindetterdi sheshý jatatyn organdardyń jumysyn úılestirý boıynsha ShYU-ǵa múshe-memleketter prokýratýralarynyń jumys tájirıbe­lerimen almasty. Kún tártibindegi máselelerdi tal­­qylaý nátıjeleri boıynsha ShYU-ǵa múshe memleketter bas pro­kýra­tý­ra­la­ry­nyń basshylary ózara quqyq­tyq kómek kórsetý máse­leleri, prokýrorlyq qyzmettiń negizgi ba­ǵyttary jóninde tájirıbe almasýdy jalǵastyrý, ártúrli trans­ult­tyq qaýipsizdik qaterlerine qarsy tu­­rý jónindegi utymdy sharalardy qol­daný boıynsha halyqaralyq yn­tymaqtastyqtyń tıimdiligin arttyrý jó­­nin­degi otyrys hattamasyna qol qoıdy. Sonymen qatar, 2016 jyly ShYU-ǵa múshe bas prokýratýralardyń ke­zekti otyrysyn Qytaı Halyq Respýb­lıkasynda ótkizý týraly sheshim qabyl­dandy. Nurlybek Dosybaı. jýrnalıst.