Qazaq ǵaryshkeri ushýyn qamtamasyz etetin keshendi kelisimshartqa qol qoıyldy

Máskeýde Qazaqstan Respýblıkasy ǵaryshkeriniń halyqaralyq ǵarysh stansasynyń reseılik segmentine ushýyn júzege asyrý jóninde kelisimshartqa qol qoıyldy. Keshe Máskeý tóńireginde ótken «MAKS-2015» halyqaralyq avıaǵarysh salonynyń sheńberinde Qazaqstan Respýblıkasynyń ǵaryshkeri Aıdyn Aıymbetovtiń Halyqaralyq ǵarysh stansasynyń (HǴS) reseılik segmentine ushýyn júzege asyrý jónindegi kelisimshartqa qol qoıý rásimi bolyp ótti. Bul qujatqa Qazaqstan tarapynan Qazǵarysh tóraǵasy T.Musabaev pen Reseı tarapynan Reseı Federasııasynyń Federaldyq ǵarysh agenttigi basshysynyń ýaqytsha mindetin atqarýshy A.Ivanov qol qoıdy. Kelisimsharttyń máni qazaqstandyq ǵaryshker A. Aıymbetovtiń ǵaryshqa ushý daıyndyǵy men ony júzege asyrý jáne ǵaryshkerdi ushyp kelgen soń ońaltý jónindegi qyzmetterdi kórsetý men jumystardy oryndaýǵa baılanysty ekendigin atap ótken jón. Qol qoıylǵan qujattyń tarmaqtaryna sáıkes, josparlanyp otyrǵan ushyrylym uzaqtyǵy ushqysh basqaratyn ǵarysh kemesiniń HǴS-pen túıisýine deıingi 2 táýlik pen buryn bekitilgen ushý baǵdarlamasyna sáıkes, halyqaralyq ǵarysh stansasy reseılik segmentiniń bortynda 8 táýlik bolýyn qosa alǵanda, on kúndi qurap otyr. Kelisimshart quny bir mıllıard júz mıllıon rýbldi quraıdy jáne ol ózgermeıtin qunǵa ıe. «Bul óte mańyzdy qujat, onda ǵaryshtyq ushyrylymnyń barlyq qyr-syry qarastyrylǵan. Negizgi bólimnen basqa, onyń taǵy 11 qosymshasy bar. Men qazaqstandyq jáne reseılik mamandarǵa rızamyn. Olar qysqa merzimde, ıaǵnı 2 jarym aıdyń ishinde kelisimshartty daıyndap shyqty. Shyn máninde, osy baǵytta orasan zor jumystar júrgizildi», – dep atap ótti Talǵat Musabaev. Kelisimshart oǵan qol qoıylǵan kúninen, ıaǵnı 2015 jyldyń 26 tamyzynan bastap kúshine endi, dep habarlady Qazǵaryshtyń baspasóz qyzmeti.