Qazaqstan-Nıderland:  Nıettestik pen yntymaqtastyq

Qazaqstan Respýblıkasy Parlamenti Májilisiniń Tóraǵasy Qabıbolla Jaqypov bastaǵan Májilis depýtattarynyń delegasııasy bir kúndik saparmen Nıderland Koroldiginde boldy. Sapardyń basty maqsaty – Qazaqstannyń kandıdatýrasyn BUU Qaýipsizdik Keńesiniń 2017-2018 jyldarǵa turaqty emes músheligine usyný. Qazaqstan Prezıdentiniń Arnaıy elshisi retinde Májilis Spıkeri Nıderland Koroldiginiń Premer-mınıstri Mark Rıýttege Memleket basshysy Nursultan Nazarbaevtyń BUU Qaýipsizdik Keńesine elimizdiń kandıdatýrasyn 2017-2018 jyldarǵa turaqty emes múshelikke usynǵanda qoldaý bildirýin ótingen hatyn tabystady. Sondaı-aq, Q.Jaqypov BUU Qaýipsizdik Keńesiniń quramyna elimizdi alǵan jaǵdaıda Qazaqstan qazirgi tańda ózekti bolyp otyrǵan máselelerdiń sheshimin tabýǵa kúsh salatynyn atap ótti. Sonymen birge, azyq-túlik, sý jáne energetıkalyq qaýipsizdik pen ıadrolyq taratpaý máselelerinde basymdyq beriletinin eskertti. Sonymen qatar, Májilis Tóra­ǵasy yntymaqtastyq, jahandyq qaýipsizdik pen turaqtylyq taqyrybyna baǵyttalǵan birqatar ekijaqty kezdesýler ótkizdi. Nıderland Senatynyń Tóraǵasy Ankı Brokers-Knolmen áńgime barysynda Q.Jaqypov eki el arasyndaǵy osy salalardyń ózekti máselesine shynaıy nıet tanytty. Ankı Brokers-Knol Qazaqstan men Nıderland arasyndaǵy joǵary deńgeıli qatynastarǵa rızashylyq bildirip, ekijaqty jáne kópjaqty pishimdegi únqatysýǵa ázir ekendigin jetkizdi. «Yntymaqtastyq pen nıettestik – bizdiń elderdiń sońǵy jıyrma jyldaǵy ustanymy bolyp tabylady», – dedi Ankı Brokers-Knol. Nıderland Parlamenti Senaty Spıkeriniń pikirinshe, ózara baılanystyń taıaý bolashaqtaǵy baǵyty demokratııa, ekonomıka jáne aımaqtyq saıasat bolyp tabylady. Jahandyq qaýip­sizdik máselelerine de aıryqsha kóńil bólindi. Sonymen birge, Májilis Tóra­ǵasy bizdiń Memleket basshysynyń saıası baǵyty áleýmettik ilgerileý, jahandyq beıbitshilik pen qaýipsizdikti qoldaý, basqa eldermen dostyq qatynasty órkendetý bolyp otyrǵanyn atap kórsetti. Q.Jaqypov Nıderland Koroldigi Qazaqstannyń 2017-2018 jyldarǵa BUU Qaýipsizdik Keńesiniń turaqty emes músheligine ótýge kandıdatýrasyn qoldaıdy degen senim bildirdi. Ekonomıkalyq yntymaq­tas­tyqty nyǵaıtý taqyryby Nıder­landtyń Ekonomıkalyq qaty­nastar mınıstri Henk Kamppen júzdesý barysynda da óris aldy. Taraptar eki el arasyndaǵy serik­testik qatynastar deńgeıin joǵary baǵalady. Búginde Nıderland Qa­zaq­stan ınvestorlary arasynda alǵash­qy orynǵa shyǵyp, 2014 jyl­ǵy ekijaqty taýar aınalymy 9 mlrd. AQSh dollary kólemine jetti. Qabıbolla Jaqypovtyń aıtýynsha, saýda-ekonomıkalyq já­ne ınvestısııa-tehnologııalyq óza­ra baılanysty yntalandyrýǵa Qa­zaqstan-Gollandııa Iskerlik keńesi múmkindik jasaıtyn bolady. Henk Kamp Qazaqstannyń damý qarqy­nyn joǵary baǵalaı kelip, Memle­ket basshysy Nursultan Nazarbaev­tyń eldiń órkendeýine naqty baǵyt berip otyrǵanyn atap ótti. Mınıs­tr­diń málimdeýinshe, Nıderlandtyń ekono­mıkalyq qatynastary Qazaqstannyń barlyq aımaqtarynyń ekonomıkalyq turaqty damýy úshin qajet. О́z kezeginde Qabıbolla Ja­qy­pov Eýrazııalyq odaqtyń múm­kin­digin eki el arasyndaǵy múdde­lerdi jaqyn­dastyrýǵa paıda­lanýǵa bolatynyn málimdedi. Májilis Tóraǵasy Qazaqstan zańna­masyndaǵy shetel ınvestorlary­na jasalatyn jeńildikterge de toq­talyp ótti. Onda salyqty ońtaı­landyrý ınvestısııalyq ahýaldy jetildirý baǵytyndaǵy zańdar jaıynda aıtyldy. Taraptar yntymaqtastyqtyń bola­shaq baǵyty dep munaı, energetıka jáne kólik pen kommýnı­kasııa salalaryn atady. Q.Jaqy­pov búginde qazaq­standyq parlament­shiler Qazaqstan Prezıdentiniń bastamasymen qolǵa alynǵan bes ınstıtýttyq reformanyń tıimdi oryndalýy úshin zańnamalyq baza ázirlep jatqanyn, onyń bizdiń elge halyqaralyq tájirıbe úshin mańyzy bar ekenin, sonyń ishinde Nıderland Koroldigi de bar ekenin habarlady. Henk Kamp Májilis Spıkerin óziniń jigerin Qazaqstan-Nıder­land ekonomıkalyq qatynasyn ny­ǵaı­týǵa jumsaıtynyna sendirdi. Sáýlebek BIRJAN.