Mádenıet jáne sport mınıstri balýandarmen kezdesti

ASTANA. 28 tamyz. Astanada Mádenıet jáne sport mınıstri Arystanbek Muhamedıuly dzıýdodan Qazaqstan ulttyq qurama komandasynyń sportshylarymen kezdesti. Bul týraly egemen.kz tilshisi habarlady. Kezdesýde mınıstr dzıýdodan ótip jatqan álem chempıonatynyń alǵashqy kúni el qorjynyna altyn medal salǵan Eldos Smetov pen kúmis júldeger Rýstam Ibraevqa alǵysyn bildirdi. Sondaı-aq, ol tatamı tórine shyǵatyn basqa sportshylarǵa sáttilik tiledi. Vedomstvo basshysy álem chempıonaty sııaqty jarystar birinshi kezekte Elbasy Nursultan Nazarbaevtyń tikeleı qamqorlyǵynyń arqasynda jasalyp jatqan shara ekenin atap ótti. Osy turǵydan alǵanda jastar, sonyń ishinde sportshy jastardyń Memleket basshysynyń ıgi bastamalaryn qoldap júrgenderi qýantarlyq jaǵdaı ekenin aıtyp, alǵysyn bildirdi. Kezdesýde sportshylar da Elbasynyń úlken qamqorlyǵyna alǵys sezimderin jetkizdi. Dastan Kenjalın. Derek: Qazaqstan Respýblıkasy Mádenıet jáne sport mınıstrligi. Sýret: egemen.kz