Memleket basshysy Serbııa prezıdentimen kezdesti

ASTANA. 28 tamyz. Memleket basshysy Astanaǵa resmı saparmen kelgen Serbııa Respýblıkasynyń prezıdenti Tomıslav Nıkolıchpen kezdesti. Bul týraly akorda.kz habarlady. Kezdesý barysynda saýda-ekonomıkalyq, ınvestısııalyq jáne mádenı-gýmanıtarlyq salalardaǵy ekijaqty qarym-qatynas máseleleri talqylandy. Eki el kóshbasshylary halyqaralyq kún tártibine de qatysty pikir almasty. Elbasy Qazaqstannyń Serbııa Respýblıkasymen syndarly qarym-qatynasty damytýǵa múddeli ekenin atap ótti. «Qarym-qatynastarymyzǵa tyń serpin bere alamyz dep sanaımyn. Búgin bıznes-forým ótedi, onda elderimizdiń isker toptary ózara tyǵyz baılanystardy jolǵa qoıa alady», – dedi Nursultan Nazarbaev. T.Nıkolıch Qazaqstanǵa shaqyrǵany úshin Nursultan Nazarbaevqa alǵys bildirdi jáne Astananyń aýqymdy damý qarqyny ózin tánti etkenin aıtty. Serbııa prezıdenti sondaı-aq Qazaqstan halqyn «Astana» fýtbol klýbynyń ÝEFA chempıondar lıgasynyń toptyq kezeńine ótýine baılanysty quttyqtady. Kezdesý sońynda T.Nıkolıch Nursultan Nazarbaevqa Serbııa Respýblıkasynyń Ordenin tapsyrdy. «Men bul ordenmen Sizdi elderimizdiń arasyndaǵy qarym-qatynasty nyǵaıtýǵa qosqan úlesińiz úshin ǵana emes, óz halqyńyzǵa jasap jatqan ıgilikterińiz úshin jáne Qazaqstannyń halyqaralyq quqyq qaǵıdattaryn saqtaýdaǵy tabandylyǵy úshin marapattap otyrmyn. Siz – álemdik aýqymdaǵy, sırek sanattaǵy kóshbasshysyz», – dedi Serbııa Prezıdenti. Aıdar О́risbaev. Derek, sýret: akorda.kz.