О́SKEMEN. Shyǵys óńiriniń Aıagóz aýdanynda «Nurly jol – bolashaqqa bastar jol» baǵdarlamasy aıasynda 600 oryndyq mektep ashyldy. Bul týraly egemen.kz tilshisi habarlady.
Saltanatty túrde tusaýy kesilgen jańa bilim ordasynda balalarǵa barlyq qolaıly jaǵdaı jasalǵan. Atalǵan sharaǵa aýdan basshysy Baqytjan Baıahmetov qatysty. Mektepte oqý kabınetterimen birge logoped jáne psıhologııalyq qyzmet kabınetteri, ashana, májilis jáne sport zaldary, kitaphana bar. Oqý bólmeleri qajetti qural-jabdyqtarmen, jıhazdarmen qamtamasyz etilgen. Mektep aýlasynda sport jáne demalys alańdary ornalasqan. Onda sporttyq jáne merekelik sharalar ótkiziletin bolady. Sondaı-aq sabaqtan tys ýaqytta mektepishilik úıirmeler jumys istemek.
Sonymen qatar, Aıagóz aýdanynda «Nurly jol – bolashaqqa bastar jol» baǵdarlamasy aıasynda 140 orynǵa arnalǵan balabaqsha men 600 oryndyq mektep-lıseıdiń qurylysy júrip jatyr.
Dýman Anash.
Derek, sýret: egemen.kz
