Shymkentte belgili kásipker aqsha qymqyrdy degen kúdik týdyrdy

ASTANA. 4 sáýir. Shymkenttegi «Iýjpolımetall» О́K» aksıonerlik qoǵamynyń prezıdenti men atalmysh qurylymnyń zańgeri Alıans bankten 61 mln. AQSh dollaryn zańsyz jolmen aldy degen kúdikpen qamaýǵa alyndy. Bul týraly kapital.kz habarlady. Habarlamada kórsetilgendeı, Shymkent qalasyndaǵy Enbekshi aýdandyq soty Qylmystyq-atqarý kodeksiniń 147-148-baptary boıynsha kompanııa prezıdenti T.A. (Tursynbek Asanbaev – red.) men zańger D.B.-ny Alıans bankten 61 mln. AQSh dollaryn qymqyrdy degen kúdik negizinde 2 aıǵa qamaýǵa alý týraly qaýly shyǵarǵan. Aıta keteıik,  Tursynbek Asanbaev – atalmysh qurylymnyń prezıdenti ári jalǵyz quryltaıshysy sanalady. Ol buryn «Shymkent qorǵasyn zaýyty» AQ-tyń kommersııalyq dırektory, keıin prezıdenti bolǵan. Al 1999 jyldan beri «Iýjpolımetall» О́K» aksıonerlik qoǵamynyń prezıdenti qyzmetin atqarýda. Sondaı-aq, T.Asanbaev ár jyldarda «Atameken» Odaǵy» Ulttyq ekonomıkalyq palatasynyń, Prezıdent janyndaǵy kásipkerler keńesiniń múshesi jáne Ońtústik Qazaqstan oblystyq máslıhatynyń depýtaty bolǵan. Joldybaı Bazar. Derek, sýret: kapital.kz.