“Sofııa-2010” festıvali

Qazaq stýdentteri úshin tabysty ótti Jýyrda Bolgarııanyń Sofııa qalasynda ótken “Sofııa-2010” III halyqaralyq folklorlyq festıvaline elimizdiń S.Seıfýllın atyndaǵy Qazaq agrotehnıkalyq ýnıversıtetiniń “Farab” án-bı teatry qatysyp qaıtty. Alys saparǵa shyǵyp, qazaqtyń atyn asqaqtatyp qaıtqan astanalyq “Farab” stýdııasynyń ónerpazdary óz ónerlerimen ózgelerdi tántti etip qaıtqandaryna biz de rıza boldyq. Gazet redaksııasyna bul qýa­nysh­ty habar jete salysymen, súıinshi habardy óz aýyzdarynan estıik, “Sofııa-2010” halyq­aralyq festıvaliniń qalaı ótken­digin bileıik, oǵan ónerpazdarymyz qandaı daıyndyqpen bardy eken degen qyzyǵýshylyqpen “Farab” án-bı teatrynyń kórkemdik jetekshisine telefon soǵyp, mán-jaıdy tolyq bilýge tyrystyq. Án-bı teatrynyń kórkemdik jetekshisi Meıirjan Álıakbarov­tyń aıtýyna qaraǵanda, atalmysh halyqaralyq folklorlyq fes­tıvalge Makedonııa, Cherno­gorııa, Serbııa, Lıtva, Ýkraına, Grekııa, Grýzııa, Bolgarııa, Úndistan  memleketterinen kelgen 500-den astam adam qatysypty. Álemdik óner salasynda az ǵana ýaqyt ishinde erekshe tanymaldylyqqa ıe bolǵan, tórt kúnge jalǵasqan bul festıvaldiń barlyq konserttik baǵdarlamalary Sofııa qalasynyń eń tanymal delinetin ashyq alańdarynda ótkizilgen kórinedi. Osydan bir jyl buryn joǵary­da atalǵan agrotehnıkalyq ýnı-versıtet Bolgarııadaǵy “Predtechı” qoǵamdyq birlestigimen bilim jáne ǵylym salasynda kelisim-shartqa otyrǵan bolatyn. Osy kelisim- sharttyń aıasynda Qazaqstan “Sofııa-2010” halyqaralyq folklor festıvaline qatysýǵa arnaıy shaqyrylypty. Qazaqstandyq delegasııany S.Seıfýllın atyndaǵy agrotehnı-kalyq ýnıversıtettiń halyqaralyq jáne yntymaqtastyq bóliminiń bastyǵy Sara Qytaıbekova bastap barypty. 12 adamnan turatyn “Farab” án-bı teatrynyń óner­pazdary tórt kún boıy  “Jor-ǵataı”, “Sary bıdaı”, “Bıpyl” jáne t.b. qazaqtyń halyq ánderin shyrqap, Qurmanǵazynyń “Adaı”, “Balbyraýyn”, N.Tilendıevtiń “Aqqý”, “Álqıssa” kúılerin sharyqtata oryndap, bı element­terinen turatyn halqymyzdyń salt-dástúrleri men ulttyq oıyndarynan sahnalyq kórinis somdap shyqsa, eń sońynda halyq bıi “Qara jorǵany” kópshiliktiń nazaryna usynǵan eken. S.Seıfýllın atyndaǵy Qazaq agrotehnıkalyq ýnıversıtetiniń jáne ata-analar tarapynan qarjylyq qoldaý kórgen “Farab” án-bı teatry basqa memleketterden barǵan ónerpazdarǵa qaraǵanda áldeqaıda kóp yqylas pen qurmetke bólengen kórinedi. Bulaı deıtinimiz, festıvaldiń  sońynda, uıymdastyrýshylar eń pármendi konserttik nómirdi Qazaq elinen kelgen ónerpazdarǵa qaıta usy­nypty. Iаǵnı, festıvaldiń jabylý saltanatynda Qazaqstannan barǵan óner ıeleri qaıtadan ortaǵa shyǵyp, “Qara jorǵa” bıin bılepti. Bir aıta ketetin jáıt, “Qara jorǵa” bıin festıvalge qatysqan basqa memleketterdiń ónerpazdary da, sol festıvaldi uıymdastyrǵan jergilikti turǵyndar da birge bılegen kórinedi. Sapar barysynda qazaqstandyq ónerpazdar salalas Plovdıv agrarlyq ýnıversıtetinde bolyp, oqý ornynyń ujymymen de etene tanysyp qaıtypty. “Farab” teatrynyń kórkemdik jetekshisiniń sózine qaraǵanda, ár halyq bı ónerin ózge halyqqa úıretý men tanytý maqsatynda ár kún saıyn qosymsha sheberlik sabaqtary ótkizilip turǵan bolsa, onda qazaq halqynyń “Qara jorǵa” ulttyq bıin bári de yntamen úırengen kórinedi. Basqa memle­ketterden 40-50 shaqty ónerpazdar barǵan festıvalge Qazaqstannan 12 adam ǵana qatysypty. Alaıda óner ıeleri sany jaǵynan az bolǵany-men, shyǵarmashylyq synǵa kelgende ózgelerden asyp túspese, kem túspegenderi aqıqat. Qatysý-shylardyń erekshe yqy­la­syna bólengen elordalyq “Farab” án-bı teatry 2010 jyldyń aıaǵynda osy Bolgarııada ótetin estrada ánderin oryndaýshylardyń “Das­kaverı” halyqaralyq baıqaýyna, 2011 jyly Bolgarııa­nyń Varna qalasynda ótetin halyqaralyq folklorlyq baıqaýǵa qatysýǵa shaqyrtý alypty. “Jolǵa shyqpas buryn, Bol­garııada da qazaq baýyrlarymyz turatyndyǵyn estigen bolatynbyz. Sóıtip, qorjynymyzǵa qurt, baýyrsaq, jent sekildi ulttyq taǵamdarymyzdy salyp alǵan bolatynbyz. Sofııaǵa barǵannan keıin sol jerdegi qandas baýyr­larymyz aldymyzdan shyǵyp, bizdi qushaq jaıa qarsy aldy. Árıne, jat jurtta júrgen óz baýyryńdy kórgende eriksiz tolqıdy ekensiń. Bizdi kórip olar da marqaıyp qaldy,” – dedi óz sózinde teatrdyń kórkemdik jetekshisi Meıirjan Álıakbarov. Araı ÚIRENIShBEKQYZY.