Fýtbol. «Tobyl» maýsymdaǵy alǵashqy jeńisine qol jetkizdi

ASTANA. 5 sáýir. Fýtboldan Qazaqstan premer-lıgasy aıasynda ótip jatqan 5-týrdyń taǵy eki oıyny aıaqtaldy. «Tobyl» óz alańynda «Shahterdy» 4:1 esebimen jeńse, Taldyqorǵanda ótken jergilikti «Jetisý» men «Ertis» arasyndaǵy kezdesý 2:2 esebimen teń aıaqtaldy. Bul týraly egemen.kz habarlady. «Tobyl» men «Shahter» arasyndaǵy oıynda alań ıeleri aıqyn basymdyq tanytty. Match barysynda Qazaqstan fýtbolynyń jaryq juldyzy Nurbol Jumasqalıev úsh birdeı gol soǵyp, het-trık atandy. Bul – «Tobyldyń» maýsymdaǵy alǵashqy jeńisi. Ázirge qostanaılyqtar týrnır kestesinde 5 upaımen 8-orynda keledi. Al tórt oıyn qatarynan jeńilgen «kenshiler» eń sońǵy orynda. Kelesi týrda «Tobyl» Atyraýǵa qonaqqa barsa, «Shahter» «Jetisýdy» qabyldaıdy. Taldyqorǵandaǵy oıyn da asa tartysty ótti. Alǵashqy taımda esep ashylǵan joq. Esesine, kezdesýdiń ekinshi bóliginde qarsylastar eki goldan soǵyp, jankúıerlerdi qýanyshqa bóledi. «Ertis» oıynshylary 0:2 esebimen jeńilip jatyp, tarazy basyn teńestirgenin aıta keteıik. Ekinshi goldy pavlodarlyqtar sońǵy mınýtta soqty. Ázirge qos komandanyń týrnır kestesindegi jaǵdaıy asa máz emes. Bes oıynnan 4 upaı jınaǵan «Ertis» 10-orynǵa taban tirese, 3 upaıy bar «Jetisý» 11-satyǵa jaıǵasty. Taldyqorǵandyqtardyń kelesi týrdaǵy qarsylasyn joǵaryda aıttyq. Al «Ertis» 8 sáýirde 7-týrdyń oıynyn aldyn ala ótkizedi. Bul kúni olar «Qaıratpen» kúsh synasady. Dál qazir 5-týrdyń qalǵan úsh oıyny ótýde. «Astana» «Aqtóbeni», «Qaısar» «Atyraýdy» jáne «Qaırat» «Oqjetpesti» óz alańdarynda qabyldaýda. Ázirge bul kezdesýlerde esep ashylǵan joq. Buǵan deıin Shymkentte «Ordabasy» «Tarazdy» 1:0 esebimen jeńgenin aıta keteıik. Atalǵan oıyn týraly myna jerden bile alasyzdar.   Tobyl (Qostanaı) – «Shahter» (Qaraǵandy) 4:1 (0:0) 5 sáýir. Zatobolsk. «Zatoboles» stadıony. Tóreshi: B.Abdýllaev (Qarataý). «Tobyl»: A.Petýhov, Sh.Kýchera (A.Ánýar 56), I.Sadovnıchıı, N.Kýrgýlın, R.Aslan, N.Shlıvıch, A.Bogdanov, T.Sımkovıch, N.Jumasqalıev, S.Moshnıkov (O.Krasıch 33), Ý.Kalý (I.Býgaev 84). «Shahter»: I.Shaskıı, M.Gabyshev, A.Devıd, A.Poryvaev, A.Djıdıch, N.Pokrıvach, G.Nadjarıan (G.Vasılev 64), A.Karpovıch (P.Sass 67), Iа.Voshaglık, R.Murtazaev, M.Topchagıch. Goldar: N.Jumasqalıev 62, 66, 89, T.Sımkovıch 84 – G.Nadjarıan 59. Eskertýler: N.Pokrıvach 44, A.Devıd 71.   «Jetisý» (Taldyqorǵan) – «Ertis» (Pavlodar) 2:2 (0:0) 5 sáýir. Taldyqorǵan. «Ortalyq» stadıony. Tóreshi: A. Álıev (Almaty). «Jetisý»: A.Pasechenko, S.Saǵyndyqov, D.Ergashev, M.Mıhaılov, M.Azovskıı, S.Sarıev (M.Mujyqov 88), I.Svetkovıch, M.Shahmetov (B.Turysbek 81), T.Danılıýk, D.Savıch, D.Despotovıch. «Ertis»: D.Lorııa, P.Álıev, A.Kıslısyn, V.Chernyshov, A.Samsonov, S.Smaqov, Q.Geterıev, I.Azýka, A.Gatagov, G.Sartakov (A.Súleı 81), A.Banse. Goldar: D.Despotovıch 58, D.Savıch 67 – I.Azýka 75, P.Álıev 90. Eskertý: P.Álıev 35. Elaman Qońyr. Derek: egemen.kz. Sýret: fc-tobol.kz.