Egin oraǵyna erekshe kózqaras qajet

Keshe Aqordada Memleket basshysy Nursultan Nazarbaev aýyl sharýashylyǵynyń kókeıkesti máselelerine arnalǵan keńes ótkizdi. Onyń jumysyna Premer-Mınıstr K.Másimov, Prezıdent Ákimshiliginiń Basshysy A.Mýsın, Prezıdenttiń kómekshisi B.Sultanov jáne Aýyl sharýashylyǵy mınıstri A.Kúrishbaev qatysty. A.Kúrishbaev Prezıdent aldyn­da bıylǵy egin oraǵyn ótkizýge daıyn­­dyqtyń barysy týraly esep berip, sonymen birge Memleket basshysyna eldiń agrarlyq sekto­rynyń neǵur­lym kókeıkesti degen máseleleri týraly habarlady. Bıyl Qazaqstan­da 14-15 mln. tonna kóle­minde astyq alynady dep kútilýde, ol respýblı­kanyń ishki qajettilik­terin tolyq qamtamasyz etýge jaǵ­daı jasaıtyn bolady. Búgingi kúni kúzdik jáne jaz­dyq daqyldardy qosa alǵanda egistik kólemi 16,7 mln. gektardy qu­raı­dy. Almaty, Aq­tóbe, Jambyl, Ba­tys Qazaqstan, Qyzylorda jáne Ońtústik Qazaq­stan oblystarynda egin oraǵy bas­talyp ta ketti. 2 ta­­myz­ǵa deıin 450 myń gektardyń egini oryldy. Qa­zaqstan boıynsha ortasha túsim tazadaı salmaqta alǵanda gektaryna 9,4 sentnerdi quraıdy. Aýylsharýashylyq taýarlaryn óndirýshilerdi janar-jaǵarmaımen qamtamasyz etý úshin egin oraǵy ju­mystaryna 408 myń tonna dızel otyny daıyndaldy, sonymen birge operatorlardyń qyzmetin qosa alǵanda dızel otynynyń túpki ba­ǵa­sy 1 lıtr úshin 62 teńge mól­she­rinde belgilendi. Astyq qabyldaý kásiporyndaryn daıyndaý jumys­tary jan-jaqty júrgizilýde. Osy kásiporyndardaǵy artyq astyq problemalaryn sheshý maqsatynda, sondaı-aq azyq-túlik qaýipsizdigi strategııasy sheńberinde soltústik jáne shyǵys óńirlerindegi astyǵy kóp qoımalardaǵy 400 myń tonna astyqty ózge oblystardyń eleva­tor­laryna aýystyrý jóninde she­shim qabyldandy. Egin orý tehnıka­la­rynyń 90 paıyzǵa jýyǵy daıyn­dyq jaǵdaıynda tur. Respýblıka­lyq bıýdjetten bólingen 80 mlrd. teńge nesıe esebinen “QazAgro” en­shiles uıymy arqyly aýylsharýa­shylyq taýarlaryn óndirýshiler 42,5 mlrd. teńgege qarjy­landy­ryldy. Kóktemgi dala jáne egin orý jumystaryn memlekettik qarjy­lan­­­dyrýdyń jalpy somasy 96 mlrd. teńgeden astamdy quraıtyn bolady. Keńes barysynda Prezıdent egin oraǵy naýqanynyń problema­ly máselelerine aıryqsha nazar aýdar­dy. Shilde aıynyń sońyna qarasty bútindeı alǵanda elimiz boıynsha 13,9 mln. gektar nemese dándi daqyldar­dyń 83,1 paıyzy jaqsy jáne qana­ǵattanarlyq jaǵ­daıda boldy. Qur­ǵaqshylyqtyń jáne kúnniń tym ysyp ketýi salda­rynan dándi daqyl­dardyń bir bó­ligi zar­dap shekti, ondaı jaǵdaı ne­gi­zinen Batys Qazaqstan jáne Aq­tóbe ob­lystarynda oryn aldy. Osy oraı­da Memleket basshy­sy ylǵal sa­q­taýshy tehnologııalardy qoldanyp, sebýge sapaly tuqymdy paı­dalan­ǵan, agrotehnıkalyq shara­lardy ýa­qytynda júrgizgen, dándi der kezinde sińirip, ónimdi ýaqytyly jınaı bilgen sharýa­shy­lyqtardyń jaǵdaılarynyń jaqsy bolǵanyn atap kórsetti. – Egin oraǵy barlyq jerlerde de erte bastalady. О́ıtkeni egin jedel pisýde. Sondyqtan erterek daıyndalý qajet. Tehnıkamen jáne janar-jaǵarmaımen qamtamasyz etý kerek. Bul barlyq oblystarǵa da qatysty. Bul barlyq ákimder men búkil aýylsharýashylyq taýar­laryn óńdirýshilerdiń mindeti bo­lýǵa tıis. Memleket birinshi kezekte ózdiginen jumys istep jatqandarǵa kómekte­setin bolady, – dep atap kórsetti Memleket basshysy. Aǵymdaǵy qıynshylyqtarǵa qa­ramastan, 2010-2011 marketıngtik jyly eksporttyq áleýet 8 mln. ton­nany quraıtyn bolady. Qalyp­tasqan jaǵdaı qazaqstandyq un tartýshylar­dyń sheteldik rynok­tar­dy jaýlap alýy úshin tamasha múmkindik bola alady. Osyǵan baılanysty Prezıdent Úkimetke astyq jáne odan óńdelgen ónimder eksportynyń jalpy kólemindegi un eksportynyń úlesin ulǵaıtý jó­ninen sharalar qabyldaý týraly tapsyrma berdi. Keńes qorytyndysynda Prezı­dent Nursultan Nazarbaev Úkimetke nan men unnyń ishki baǵalarynyń turaqtylyǵyn qamtamasyz etip, rynoktaǵy baǵanyń qaýyrt ósip ke­týine jol bermeýdi tapsyrdy. Onyń syrtynda Memleket bas­shy­sy qur­ǵaqshylyqtan neǵurlym kóp zardap shekken óńirlerdegi aýyl­sharýa­shylyq taýarlaryn óndirýshi­lerdiń qarjylyq jaǵdaılaryna taldaý jasap, olarǵa qoldaý kórse­tý jó­ni­nen sharalar qabyldaý, mal sharýa­shy­lyqtaryn jemdik astyq­pen jab­dyqtaý, sol sııaqty jem-shóp daı­yndaý jumystary úshin ja­nar-jaǵarmaıdyń jetkizilýine ba­­­­­qylaý jasap, kelesi jylǵy tu­qym se­bý maýsymyn tuqym qory­men qam­ta­masyz etý jóninde tap­syrma berdi. Sýretti túsirgender S.BONDARENKO, B.OTARBAEV.