Jetkinshekter jeńispen oraldy

Sońǵy kezde egemen elimizdiń jer-jerdegi ónerpaz jetkinshek­teriniń álemdik saıystarda top ja­ryp júrgenderi jıi estilip qalyp júr. Semeıdegi “Tumar hanym” dep atalatyn jetkinshekterdiń halyq­tyq bı ansambli sondaı óner jul­dyzdarynyń birinen sanalady. Qurylǵanyna bıyl jeti jyl to­lyp otyrǵan bul ansambl osy ýa­qyt ishinde birneshe ret halyq­aralyq óner jarystarynda top jaryp úlgerdi. Aıtalyq, ol osy­dan úsh-tórt jyl buryn Ispa­nııanyń Loret-De-Maar qalasynda ótken daryndy balalardyń ha­lyqaralyq festıvalinde júldeli ekinshi oryn­ǵa ıe bolǵan edi. Al 2008 jyly bu­lar Ýkraınanyń Odessa qalasynda “Zvezdochka” degen atpen ótken ha­lyqaralyq kon­kýrstan bas báıgeni qanjy­ǵa­laryna baılap kelgen-di. Endi, mine, atalǵan ansambl jý­yrda ǵana Túrkııadan oljaly oral­dy. Túrkııada ıogýrt ónimin ón­­dirýmen aty shyqqan Sılıvrı de­gen qala bar. “Barlyq álemniń da­ryndy balalary” degen atpen ót­kizilgen halyqaralyq festıvalde se­meılik jetkinshekter birinshi or­yndy jeńip alǵan kórinedi. Oǵan álem­niń toǵyz elinen jas óner­pazdar qatysypty. – Bul óner saıysyna bizden 15 jasqa deıingi aralyqtaǵy 15 jet­kinshek qatysty, – deıdi ansambl jetekshisi Sanıra Sydyqtegi, – kezekti saıysqa segiz bı daıyndap aparsaq, sonyń beseýi ózimizdiń ulttyq bıler. Keıde bizde bı joq degen sózdi estip qalamyz. Onyń bá­ri beker sóz. Qaı jerge barmaı­yq bıimizge de, ulttyq kıimderi­mizge zor qyzyǵýshylyq tanytady. Sonyń bári bizge de úlken qoldaý bolyp, jeńis tórinen kórinýdemiz. Sanıra Muratqyzy Aral qalasynyń týmasy. Sonda ónerpaz otbasynda ómirge kelgen. Ákesi Mu­rat Sydyqov Kompozıtorlar oda­ǵy­nyń múshesi, Qazaqstannyń eń­bek sińirgen qaıratkeri, Aral qa­lasynyń qurmetti azamaty. Sheshesi Bazar Qostaeva da tamasha ánshi. Osy óńirde kezinde otbasylyq halyq ansamblin de alǵashqy bolyp qurǵan osylar. Sanıranyń eri Nur­zat Qaıranov ta óner adamy, Semeıdegi áskerı orkestrde qyzmet etedi. Otbasylyq jaǵdaımen Semeıge kelgen Sanıra osydan jeti jyl buryn jetkinshekterdiń “Tumar hanym” bı ansamblin qurýǵa mu­ryn­dyq bolǵan. Qazirde ansambl quramynda 90 bala bar. Onyń ba­sym bóligi úıirme jumysyna aqyly túrde qatysady. Jas ónerpazdar­dyń kıimderi de ata-analardyń moınynda. Tipti shetelderde ótip jatatyn túrli jarystarǵa da jol shyǵynyn ata-analar ózderi kóterip alyp jatady. Elimizdiń atyn shy­ǵaryp júrgen jas óner ujymynyń árkimniń bosaǵasynda júrgeni óz aldyna bir áńgime. Bárinen de bu­ryn tıisti oryndardyń bular jeńimpaz bolyp kelip jatqanda quttyqtaýǵa da jaramaıtyny kóńilge kóleńke úıirtedi. Al erteńgi sharalar osylardyń arasynda júrmesine kim kepil?! Dáýlet SEISENULY, Semeı.