Maqsat – qoǵamdyq sana qalyptastyrý

Qazir elimizde Ata Zańymyzdyń 15 jyldyǵyna oraı ár túli is-shara­lar ókizilip jatqany belgili. Sondaı sharanyń biri “Konstıtýsııa – demo­kratııa men qoǵamdyq turaq­tylyq negizi” taqyrybynda “dóń­ge­lek ús­tel” sársenbi kúni Astana­da­ǵy Beıbit­shilik jáne kelisim sa­raıynda ótti. Atalǵan sharany Qa­zaq­stan hal­qy Assambleıasy, As­tana qalasynyń ákimdigi men “Ka­zah­stanskaıa pravda” gazeti uıym­dastyrdy. Dóńgelek ústel jumysyna Se­nat Tó­raǵasynyń orynbasarlary Mu­ham­­­bet Kópeev pen Aleksandr Sýdın, Assambleıadan saılanǵan Par­lament Májilisiniń depýtat­tary, memleket­tik organdar, memle­ket­tik emes uıym­dar men mádenı birlestikter bas­shylary qatysty. Sharany Qa­zaq­stan halqy Assamb­leıasy Tóraǵa­synyń orynbasary Eraly Toǵjanov júrgizip otyrdy. Osy rette shara aıasynda “Ka­zah­stan­skaıa pravda” gazeti bet­terinde jaryq kórgen materıaldar negi­zinde ázirlengen “Kazahstan: ter­­rı­­torııa mıra ı soglasııa” atty ki­tap­­tyń tusaýkeser rásimi ótkenin aıta ketý kerek. Kitap el Konstı­týsııa­sy men Qazaqstan halqy Assambleıa­synyń mereıtoı­laryna oraılasty­ry­lypty. “Ka­zahs­tanskaıa pravda” respýblıkalyq gazeti” AQ basqarma tóraǵasy Aleksandr Tarakov kitap­tyń tek alǵashqy 40 danasy ǵana jedel jetkizilgendigin tilge tıek etse, kitap boıynsha óz pikirlerin Májilis depý­taty Oleg Dymov pen respýb­lıkalyq ádebı-kórkem jáne qoǵam­dyq-saıası “Nıva” jýr­nalynyń bas redaktory Vladımır Gýndarev ortaǵa saldy. Aldymen sóz alǵan Eraly Toǵ­janov Ata Zańnyń mańyzyna erekshe toqtalyp ótti. “Konstıtýsııa memle­ket qurylýyndaǵy qoǵamnyń murat, maqsatyn aıqyndaıtyn basty qujat. Ata Zańnyń basty maqsaty da ilgeri memleket ornatý, memleket ishin­degi qarym-qatynas­tardyń sı­patyn aıshyqtaý”, dedi ol. О́z keze­ginde Mu­hambet Kópeev oıyn bylaı órbitti: “Biz beıbit­shilik pen ynty­maqtyń arqasynda ótkenimizdi baǵam­dap, alǵa úlken maqsattar qoıyp júrmiz. Osy­nyń barlyǵy qazaqstan­dyqtar­dyń tirligi men birliginiń, Elbasymyz N.Á.Nazarbaevtyń salı­qaly saıa­satynyń arqasy dep esep­teımin”. Sondaı-aq Eýropalyq qu­qyq jáne adam quqyǵy ınstıtýty­nyń dırek­tory Marat Bashımov, “Nur Otan” HDP saraptamalyq ortaly­ǵynyń dırektory Qazbek Qazkenov sóz sóıledi. Jalpy, dóńge­lek ústelge qatysýshylar etnosara­lyq jáne konfessııaaralyq tózimdi­lik qazaq­standyq modeliniń quqyq­tyq negiz­deri 1995 jylǵy Konstıtý­sııada kórinis tapqanyn atap kórsetti. Qorytyndysynda dóńgelek ús­telge qatysýshylar eldiń damýyn­daǵy Prezıdent – Ult Kóshbas­shysy N.Á.Nazarbaevtyń erekshe rólin ataı kelip, qoǵamdyq sanada Konstıtýsııa kúnin qoǵamdy uıym­das­tyrýshy erekshe mańyzdy shara degen túsinik qalyptastyryp, aza­mat­tardyń na­zaryn memlekettilik pen táýel­sizdik degen eń mańyzdy qundylyq­tarǵa aýdarý qajettiligin jan-jaqty áńgime ózegine aınal­dyrdy. Asqar TURAPBAIULY.