Tabystaryńyzǵa tántimiz

Qazaqstan óz táýel­siz­digin alǵannan beri saıası jáne qoǵamdyq turaqtylyqtyń arqasynda der­bes saıasat júrgizip keledi. Sanaýly jyldar ishinde Qazaqstan halyqaralyq qatynastarda zor jetistikterge jetti. Qazaq elin, Qazaqstan memleketin álemdik qoǵamdastyq tanydy. Bul Qazaqstan bas­shysynyń syndarly saıasaty men kemel oılarynyń durystyǵyn kórsetip otyr. Nursultan Nazarbaev el bas­shylyǵyna asa aýyr jyldary keldi. Sol qıyndyqtarǵa qaramastan, jańashyl basshy retinde ol ekonomıkany reformalaýdy batyl qolǵa aldy. Sátti júrgizilgen reformalar ýaqyt óte jemisin bere bastady. Eldiń ekonomıkalyq jaǵdaıy jaqsaryp, halyqtyń tirshilik-turmysy kóterildi. Damyǵan iri memleketter Qazaqstanmen ár salada yntymaqtastyq ornatýǵa umtyldy. Bul Qazaq eliniń ekonomıkasyna ınvestısııa salý kólemin eselep arttyrdy. Sheteldik jýrnalıst retinde biz osynyń barlyǵyn kórip-bilip otyrdyq. N.Á.Nazarbaevtyń basshy­lyǵymen Qazaqstan Eýropadaǵy qaýipsizdik jáne yntymaqtastyq uıymy, Islam konferensııa­sy uıymy jáne Shanhaı ynty­maqtastyq uıymy sııaqty bedeldi ári yqpaldy halyqaralyq uıym­darǵa tóraǵalyq etip, ózekti de ótkir máseleler talqylanǵan sammıtterdi, iri halyqaralyq jıyndardy tabysty ótkizdi. Bular Qazaqstannyń álemdegi bedelin arttyryp, mártebesin ósirdi. Qazaqstan bilim men ǵylym sala­laryn damytý jolynda da iri jetistikterge qol jetkizdi. Pre­zıdenttiń bastamasymen «Bola­­shaq» baǵdarlamasy júzege asyryldy, kóptegen daryndy jas­tar shet­elderdiń bedeldi ýnıver­sı­­tet­terinde bilim aldy, alyp ta júr. El basshysynyń kóregen saıa­saty men halyqty toptastyra bi­l­ýiniń nátıjesinde Qazaqstanda túrli etnos ókilderi teń jaǵ­daıda ómir súrip keledi. Bul – Qazaqstannyń toleranttylyq úlgisin kórsetedi jáne táýelsiz el, azat halyq ekendigin bildiredi. Qazaq eliniń jasaǵan ıgi qadam­darynyń biri – Qazaqstannyń ıadrolyq arsenaldan erikti túrde bas tartýy jáne ıadrolyq qarýdy taratpaı, oǵan baqylaý ornatý salasynda belsendi saıasat júrgizýi der edim. Osy­nyń barlyǵy Pre­zıdenttiń óz eliniń jarqyn bola­shaǵy úshin jasaǵan batyl jáne naq­ty qadamdary bolyp tabylady. Erekshe atap ótetin kelesi bir jaıt – Qazaqstan Ortalyq Azııa­­­da óz jetistikterimen erek­shelenip otyrǵan memleket eken­digi. Jalpy, N.Á.Nazarbaev memlekettik bas­qarýdyń ózindik modelin júzege asyrý arqyly óz elin turaqty jáne ashyq, adamı qundylyqtardy ustanatyn, álem elderimen dostyq jáne ózara yn­ty­maqtastyq ornatqan, álemdik saıa­sı jáne ekonomıkalyq kartada erekshe oryn alatyn irgeli el ete bildi. О́zara túsinistigi men kelisimi jarasym tapqan memlekettiń bola­shaǵy kemel bolatynyn jurt­­shylyq jaqsy biledi. Qazaq halqyn, Qazaqstandy birshama biletin jan retinde men barsha qazaqstandyqtardy ekonomıkalyq daǵdarysqa moıymaı, Jańa jylda jańa jetistikterge jetýlerine tilek qosamyn. doktor Sherıf ál-BASEL, «Ál-Fadjr» gazetiniń bas redaktory. Birikken Arab Ámirlikteri.