Elimizde bastalyp otyrǵan 2016 jyldyń 1 qańtarynan bastap azamattyq qyzmetshilerdiń eńbekaqysy ulǵaıady. Osylaısha, densaýlyq saqtaý salasy qyzmetkerleriniń jalaqysy 28%-ǵa deıin, bilim salasy 29%-ǵa deıin jáne ózge sala qyzmetkerleriniń eńbekaqysy 40%-ǵa deıin artady.
Osy jyldyń 1 qańtarynan bastap engiziletin azamattyq qyzmetshiler eńbekaqysyn tóleý júıesiniń jańa úlgisine sáıkes, olardyń laýazymyn bilimine, biliktiligine, atqaratyn qyzmetiniń kúrdeliligi men dárejesine qaraı tómendegideı tórt sanatqa bólý kózdelgen:
- Uıymnyń damý strategııasy úshin jaýap beretin jáne basqarý sheshimderin qabyldaıtyn basqarýshy personal blogy (A blogy). Atalǵan blogqa uıym basshylary men basshylardyń orynbasarlary, uıymdardyń baǵyný deńgeıine táýeldi (nemese basqarý jaýapkershiliginiń deńgeıine baılanysty: respýblıkalyq, oblystyq, aýdandyq) qurylymdyq bólimshelerdiń basshylary men basshylardyń orynbasarlary kiredi.
- Uıymnyń negizgi fýnksııalarynyń iske asyrylýyn qamtamasyz etetin, negizgi personal blogy (B blogy). Bul blogqa dárigerler, muǵalimder, ǵylymı qyzmetkerler, áleýmettik jumysshylar, JOO oqytýshylary jáne uıymnyń negizgi fýnksııalaryn oryndaıtyn basqa da qyzmetkerler kiredi. Atalǵan qyzmetkerler úshin úsh qyzmet salasy: «Densaýlyq saqtaý» «Bilim berý» jáne «О́zge de salalar» boıynsha laýazymdyq jalaqylardy saralap esepteýdi engizý usynylady.
- Ákimshilik-quqyqtyq jáne sharýashylyq fýnksııalaryn oryndaıtyn ákimshilik personal blogy (C blogy). Laýazymdardyń atalmysh blogy zańgerlerdi, esepshilerdi, ekonomısterdi, aýdarmashylardy, sharýashylyq qyzmetiniń meńgerýshilerin jáne t.b. qamtıdy.
- Qosalqy jáne tehnıkalyq fýnksııalardy iske asyratyn qosalqy personal blogy (D blogy). Bul blogqa is-qaǵazdaryn júrgizýshiler, arhıvarıýster, kassırler, komendanttar men hatshylar kiredi.
Jańa úlgi laýazymdyq jalaqyny esepteý, qosymsha aqy men eńbek sharttary úshin tólenetin ústemaqyny ońtaılandyrý úshin koeffısentterdiń arnaıy kestesin engizýdi qarastyrady.
Azamattyq qyzmetshilerdiń eńbekaqysyn tóleýdegi joǵaryda kórsetilgen tásilder muǵalimder, dárigerler, áleýmettik qamsyzdandyrý salasynyń qyzmetkerleri eńbeginiń mártebesin arttyryp, halyqqa usynylatyn memlekettik qyzmetterdiń sapasyn jaqsartady, qyzmetkerlerdiń kásibı biliktiligin joǵarylatyp, laýazymynyń ósýine yqpal etedi. Sonymen qatar, Memleket basshysynyń qyzmetkerlerdiń kásibı biliktiligine baılanysty negizgi personaldyń eńbekaqysyn arttyrý tapsyrmasyn iske asyrýdy qamtamasyz etedi: densaýlyq saqtaý salasynda – 7%-dan 28%-ǵa deıin, bilim berý salasynda – 15%-dan 29%-ǵa deıin, ózge salalarda – 28%-dan 40%-ǵa deıin.
Atalǵan úlgini 2016 jyldyń 1 qańtarynan bastap engizý úshin respýblıkalyq bıýdjetten qosymsha 272,6 mlrd. teńge, onyń ishinde jergilikti bıýdjetke maqsatty transfertter retinde 228,8 mlrd, teńge bólindi.
Jańa ereje memlekettik qyzmetkerler bolyp eseptelmeıtin memlekettik jáne qazynalyq uıym qyzmetkerlerine qatysty bolmaq.
Qazaqstanda barlyǵy 1 mln.-nan astam azamattyq qyzmetkerler bar. Olar: muǵalimder, dárigerler, mádenıet jáne áleýmettik sala qyzmetkerleri, t.b.
Esterińizge sala keteıik, Densaýlyq saqtaý jáne áleýmettik damý mınıstrliginiń mamandary qazan men jeltoqsan aılary aralyǵynda azamattyq qyzmetshiler eńbekaqysyn tóleý júıesiniń jańa úlgisi boıynsha respýblıkanyń barlyq aımaqtarynda memlekettik uıymdar men kásiporyndardyń esepshileri men kadr qyzmeti jumyskerlerin oqytý sharalaryn júrgizdi. Oqýǵa barlyǵy 9 myńnan astam adam qatysty.
Mereke TAŃATAROV.
