Aýǵanstandaǵy Úndistan elshiligine shabýyl jasaldy

ASTANA. 4 qańtar. Úndistannyń Aýǵanstandaǵy Mazarı-Sharıf qalasynda ornalasqan konsýldyǵyna belgisiz bireýler shabýyl jasady. Bul týraly 24.kz habarlady. Belgili bolǵandaı Mazarı-Sharıf qalasynda 2 jarylys bolyp, sońy jarty saǵattyq atysqa ulasqan. Sondaı-aq, sodyrlar dıplomatııalyq ókildik aýmaǵyna ótpek bolǵan. Alaıda, jergilikti polıseıler olardyń oıyn iske asyrmaı, toıtarys berip úlgergen. Atys kezinde 2 ekstremıst oqqa ushyp, qaza tapty. Jergilikti bıliktiń málimetinshe, qaqtyǵys saldarynan 1 beıbit turǵyn jaraqat alǵan. Al atalǵan elshilik qyzmetkerlerinen eshkim zardap shekpegen. Aıta keteıik, shabýyl jasaǵandardyń naqty sany belgisiz. Lańkestik áreketti ázirge eshbir radıkaldyq uıym óz moınyna almaı otyr. Jalpy, Mazarı-Sharıf – Aýǵanstandaǵy tórtinshi iri qala. Sondyqtan Úndistan aldaǵy 2 aıdyń ishinde mundaǵy tálipterge qarsy kúresý úshin 4 áskerı tikushaq jibermek. Esterińizge sala keteıik, 2 qańtarda sodyrlar Úndistannyń Pákstanmen shekarasyndaǵy áskerı-áýe bazaǵa shabýyl jasap, 7 sarbazdy atyp tastaǵan bolatyn. Taǵy 20-sy jaralanǵan. Atys kezinde úndi jaýyngerleriniń kıimin kıip alǵan 4 lańkestiń kózi joıylǵan-dy. Talǵat Raıymbek. Derek, sýret: 24.kz.