Almatyda balalar jáne jasóspirimder fýtboly qaralady

ASTANA. 19 qańtar. 26 qańtar kúni saǵat 09.30-de Almatyda Balýan Sholaq atyndaǵy Sport saraıynda Qazaqstandaǵy balalar jáne jasóspirimder fýtbolynyń damýyna arnalǵan konferensııa ótedi. Bul týraly egemen.kz tilshisi habarlady. Konferensııaǵa Qazaqstan fýtbol federasııasynyń ókilderi, Premer-lıga men Birinshi lıga klýbtarynyń basshylary, jastar fýtbolyn damytý baǵdarlamasynyń jetekshileri, fýtbol ortalyqtarynyń jattyqtyrýshylary, «Jas Qyran» balalar jáne jasóspirimder lıgasynyń qatysýshylary, sonymen qatar, Almaty qalasy men Almaty oblysynyń balalar jáne jasóspirimder sport mektebi men jeke fýtbol mektebiniń ókilderi qatysady. Jıynda balalar jáne jasóspirimder fýtbolyn damytý máseleleri, Qazaqstandaǵy nómiri birinshi sportty damytý joldary qarastyrylady. Kezdesýdiń qorytyndysy boıynsha negizgi suraqtardyń barlyǵy Qazaqstan Respýblıkasynda 2016-2026 jyldary fýtboldy damytýǵa arnalǵan baǵdarlamaǵa engiziledi. Dastan Kenjalın. Derek, sýret: Qazaqstan fýtbol federasııasy.