Atyraýda óńir etnostary týraly kitap jaryqqa shyqty

ATYRAÝ. 19 qańtar. Atyraýda osy óńirdi meken etken etnostar týraly kitaptyń tanystyrylymy ótti. Bul týraly egemen.kz tilshisi habarlady. Qazir Atyraý oblysynda 17 etnomádenı birlestik jumys jasaıdy. Olar bir-birimen tyǵyz baılanys ornatyp, ózderi ótkizetin túrli sharalarǵa belsene aralasady. Tipti, «Iverııa» grýzın jáne «Tatýlyk» tatar-bashqurt etnomádenı birlestikteri janynan qurylǵan bı toptarynda ózge etnostyń balalary da qabyldanyp, túrli ulttyq bılerdi úırenýde. О́ńirdegi Qazaqstan halqy assambleıasy quramyndaǵy etnomádenı birlestikter ókilderi atqaryp otyrǵan jumystar, olardyń tatýlyǵy men dostyǵy, úkimettik emes jáne basqa da qoǵamdyq birlestiktermen aradaǵy qarym-qatynasy jaıly derekterdi «Atyraý etnostary» dep atalatyn jańa kitaptan tabýǵa bolady. Bul kitap «Altyn kitap» baspasynan 1000 dana taralymmen úsh tilde – qazaqsha, oryssha jáne aǵylshynsha jaryq kórdi. Kitapta «Etnosaralyq qatynas salasyndaǵy memlekettik saıasattyń basymdylyq mindetteri», «Etnomádenı birlestikter» jáne «Atyraý oblysynyń Qazaqstan halqy assambleıasy» degen úsh taraý bar. Joldasbek Shópeǵul. Derek:  egemen.kz. Sýret: Rahym Qoılybaev.