Aqmola oblysynyń polıseıleri myńnan astam maskúnemdi esepke aldy

KО́KShETAÝ. 19 qańtar. О́mirdiń óz ónegesi kórsetip turǵandaı, asa aýyr qylmystardyń kóbi alkogoldik mastaný kezinde nemese ishimdikterdiń áserinen jasalady. Osyǵan baılanysty Aqmola oblysynyń polıseıleri ishimdik ishý men alkogolızmniń aldyn-alý maqsatynda maskúnemderdiń aty-jónderin anyqtady. Bul týraly oblystyq ishki ister departamentiniń deregine súıengen egemen.kz tilshisi habarlady. Osy jumystyń barysynda aımaqta 2015 jyldyń basynan 202 maskúnem esepke alyndy. Jeke tártipke kónbeıtin tulǵalarǵa qatysty, kúshtep emdeý sharalary qoldanyldy. Osylaısha polısııanyń ýchaskelik ınspektorlary materıaldary boıynsha Aqmola narkologııalyq aýrýhanasyna kúshtep emdeý úshin oblys sottarynyń sheshimimen 457 maskúnem jazaǵa kesildi. Polısııanyń ýchaskelik ınspektorlary jaǵymdy tájirıbesi retinde alkogoldik sýsyndardyń júıelik túrde ishiletin oryndarǵa baqylaý júrgizdi. Barlyǵy oblys boıynsha alkogoldik ishimdekterdiń ishýine arnalǵan 576 oryn tekserildi, qosymsha túrde anyqtalyp, esepke alynǵany – 51 oryn, sonyń ishinde 16-sy oblys ortalyǵynyń enshisine jatady. Tizimdik esepke spırttik ónimderdi ishý úshin sol oryndarǵa baratyn, qylmystyq eseptiń barlyq túrlerine alynatyn jáne olarmen aldyn-alý jumystaryn júrgizý úshin 512 tulǵa kirdi. Ishimdik ishý men alkogolızmniń aldyn-alýda túıindi máselelerdiń bolýyna qaramastan, oblys aýmaǵynda tártip saqshylary mastyq jaǵdaıda jasalatyn qylmystar sanynyń artýyna jol bermedi. Kemýi 985-den 942-ge deıin jetip, 4,4 paıyzdy qurady. Baqbergen Amalbek. Derek: Aqmola oblystyq ishki ister departamentiniń baspasóz qyzmeti.