«Beıbarys-Atyraý» hokkeı klýbynyń dırektory taǵaıyndaldy

ATYRAÝ. 19 qańtar. Atyraý oblysynyń «Beıbarys-Atyraý» hokkeı klýbynyń jańa dırektory belgili boldy. Bul qyzmetke osy kezge deıin qurylys salasynda bıznespen aınalysqan jergilikti kásipker Georgıı Sherbakov taǵaıyndaldy. Bul týraly azh.kz saıtyna silteme jasaǵan egemen.kz tilshisi habarlady. Georgıı Sherbakovtyń ózi buryn «Suńqar» dep atalatyn áýesqoı komandada oınaǵan. Keıin shaıbaly hokkeı oınaýǵa qumar áýesqoı jigittermen birge «Legıon» komandasyn qurǵan. Onyń negizgi kásibi qurylys salasyndaǵy bıznespen baılanysty edi. Endi bıznesten birjolata qol úzip, «Beıbarys-Atyraý» hokkeı klýbynyń kásibı deńgeıin kóterýge túpkilikti kirisýdi kózdep otyr. «Eń basty másele – qaryzdardan qutylý qajet» degen jańa dırektordyń pikirinshe, klýbtyń elektr energııasy men gaz úshin berejaǵy bar. Sonymen birge, sporttyq kıimder men qural-saımandardy da qaryzǵa alǵany belgili bolyp otyr. Joldasbek Shópeǵul. Derek, sýret: azh.kz.