«Astana Opera» ánshisi Saltanat Ahmetova marapattaldy

AQMOLA. 20 qańtar. Prezıdenttiń 2015 jylǵy 3 jeltoqsandaǵy «Qazaqstan Respýblıkasyndaǵy memlekettik marapattarmen marapattaý týraly» Jarlyǵyna sáıkes memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin «Astana Opera» teatrynyń ánshisi Saltanat Ahmetova marapattaldy. Bul týraly Aqmola oblysy ákimdiginiń baspasóz qyzmeti habarlady. Ánshiniń «Qazaqstannyń eńbek sińirgen qaıratkeri» qurmetti ataǵyna ıe bolýy aqmolalyq jerlesterin qýanyshqa bóledi. Oblys ákiminiń qatysýymen ótken jıynda Sergeı Kýlagın oǵan Elbasy atynan memlekettik marapatty saltanatty túrde tabystady. Ol belgili ánshi Aqmola oblysynyń týmasy. Saltanat Ahmetova Kókshetaý qalasyndaǵy Birjan sal mýzyka kolledjiniń túlegi, Qazaq Ulttyq mýzyka akademııasyn «Solo ánshisi» mamandyǵy boıynsha bitirgen jáne Italııada Vokal О́neri Akademııasynan tájirıbeden ótken. 2013 jyldan beri «Astana Opera» Memlekettik opera jáne balet teatrynyń ánshisi. Aıta keteıik, opera ánshisi Villa in canto (Italııa, 2011), Neue Stimmen (Germanııa, 2013) respýblıkalyq konkýrstarynyń jeńimpazy, sondaı-aq jas ánshilerdiń «Bolshaıa opera» (Reseı) halyqaralyq televızııalyq konkýrsy III-maýsymynyń Gran-prı ıegeri. Baqbergen Amalbek. Derek, sýret: Aqmola oblysy ákimdiginiń baspasóz qyzmeti.