qabilet-qarymymen kúlli álemdi tańǵaldyryp otyr
Qytaıda turatyn Iаn Szıasho esimdi on jasar qyz jadynyń keremettigi arqyly búkil ǵalamdy tańǵaldyrýda. Ol jaqynda osy sıpatta ótken álem chempıonatynda aldyna jan salmady.
Erekshe qabiletteri bar tulǵalardyń adam mıynyń múmkindigin synaqqa salatyn ózgeshe konkýrs Aspanasty eli Shandýn provısııasynyń Szınan qalasynda ótken. Osymen 24-shi ret márege jetken bul birinshilikke jastary 13-ten 60-qa deıingi birneshe ondaǵan adam qatysqan. Tabıǵat bergen ǵalamat syı – este saqtaý qabileti óte kúshti adamdar ózderiniń órelerin ártúrli jattyǵýlar arqyly kórsetip baqqan.
Nátıjesinde mektep oqýshysy Iаn Szıasho bárinen myqty ekenin aıqyn tanytyp bergen. Ol 246 qorap oıyn kartasy men 1080 sıfrdyń ornalasý rettiligin sol qalpynda jadynda saqtap qalǵan. Osy arqyly qytaılyq qyz óziniń jaı adam úshin tipti de múmkin emes sııaqty kórinetin qabilettiń ıesi ekenine qazylar kózderin jetkizgen. Konkýrsqa qatysýshylardyń arasyndaǵy eń kishisi, tipti shekteýli tómengi jas mólsherine de jete qoımaǵan búldirshin óte qysqa ýaqytta osynshama sıfrlar men qaǵazdardy tez ári múltiksiz esinde saqtap qala alatyndyǵymen álem rekordyna ózgeris engizip úlgergen.
Jýrnalıster halyqaralyq dárejedegi sheber degen ataǵy bar keremet jadtyń ıesi sanalatyn adamdardyń ózderi osynshama qysqa merzim ishinde (úsh mınýtqa jýyq) ádette tek bir koloda oıyn kartasynyń jatysy sıpatyn ǵana eske saqtap qala alatynyn aıtyp otyr. Al Iаn esimdi qyzdyń myna kórsetkishi eriksiz qaıran qaldyrady. Mundaı balalar qazir kóp rette ındıgo jetkinshekter men altynshy násildiń ókilderine jatqyzylady. Olardyń tipti Aspan álemi – Uly keńistikpen tikeleı baılanysy bar ekenderi jóninde de aıtylyp qalady. Qalaı desek te, burynǵy paıǵambarlardyń jón siltep ketkenindeı, bizdiń aqyl-esteriniń aýqymy jaǵynan shekteýli, eń bastysy, rýhanı jaǵynan tómendeý órkenıetimiz ornyna jańa tegeýrindi tolqynnyń birtindep kele bastaıtyny shyndyq bolsa kerek.
Rýslan IGILIK.
