Shyǵys Qazaqstanda sport nysandary kóbeıip keledi

О́SKEMEN. 21 qańtar. Shyǵys Qazaqstanda sońǵy jyldary sport ınfraqurylymyn damytýda aıtarlyqtaı serpilis boldy. Bul týraly egemen.kz tilshisi habarlady. 2015 jyldyń ózinde óńirde sport pen dene shynyqtyrýǵa arnalǵan 16 nysan tapsyryldy. Bul shyǵysqazaqstandyqtar úshin negizgi basymdyq salamatty ómir salty ekenin kórsetedi. Árıne, negizgi mindet – buqaralyq sport túrlerin damytýǵa jaǵdaı jasaý, sporttaǵy joǵary nátıjelerge qol jetkizý, sonymen birge óskeleń býyn arasynan keleshek chempıondardy daıarlaý. О́ńir aýmaǵynda sportpen shuǵyldaný barshaǵa qoljetimdi bolýy jáne árkim ózi qalaǵan sport túrimen qalaýynsha shuǵyldana alýy tıis. Bul oraıda oblys kóleminde 3418 sporttyq qurylymdar qyzmet etedi. 2015 jyly sporttyq qurylym sany 16 nysanǵa ósti. Máselen, О́skemendegi daryndy balalarǵa arnalǵan oblystyq sport mektep-ınternaty salyndy, Katonqaraǵaı aýdanyndaǵy dene shynyqtyrý-saýyqtyrý kesheniniń qurylysy aıaqtaldy, Besqaraǵaı aýdanynda jańa jabdyqtarmen jabdyqtalǵan sport dıspanseri ashyldy. Oblystyq sport jáne dene shynyqtyrý basqarmasynyń habarlaýynsha, 2016 jyly Semeı qalasynda daryndy balalarǵa arnalǵan 200 oryndyq balalar men jasóspirimderdiń sport mektebi salynady. Al Rıdder qalasynda kópbeıindi mamandandyrylǵan sport zaly men qysqy sport túrleri boıynsha daryndy balalarǵa arnalǵan oblystyq mektep-ınternat ashylmaq. Aıagóz qalasynda hokkeı modýli boı kóteredi. Aıta ketý kerek, oblysta dene shynyqtyrý men sportqa den qoıǵan balalar men jas jetkinshekter sany 26 864 adamdy quraıdy. Dýman Anash. Derek, sýret: egemen.kz.