Elbasynyń Jarlyǵyn qoldaıdy eldiń barlyǵy

Oqyrman qaýym bul jóninde másele kóterilgenine birneshe kún bolyp qalǵanyn jaqsy biledi. Naqty aıtqanda, qańtardyń 13-i kúni Qazaqstan Respýblıkasy Par­lamenti Májilisiniń depýtattary Parlament Májilisi men barlyq deńgeıdegi máslıhattar depýtattarynyń kezekten tys saılaýyn ótkizý týraly úndeý qabyldaǵan bolatyn. Depýttardyń bul bastamasyn respýblıka turǵyndarynyń basym bóligi qyzý qoldady. Biraq Memleket basshysy Nursultan Nazarbaev jaýap qaıtarýǵa asyǵa qoımady. Elbasy osy turǵyda birneshe joǵary laýazym ıelerimen aqyldasyp, pikir almasty. Sodan soń ǵana Konstıtýsııanyń osyǵan mursat beretin tıisti baptaryna súıene otyryp, túıindi sheshim shyǵardy. Prezıdent qoly qoıylǵan besinshi shaqyrylǵan Qazaqstan Respýblıkasy Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly Jarlyq burnaǵy kúni keshke qaraı jaryqqa shyqty. Bul jańalyq elektrondy buqaralyq aqparat quraldary men ınternet-resýrstar arqyly sol zamatynda keńinen taraı bastady. Kópshiliktiń birneshe kúnnen beri habardar bolyp, qulaq túrip otyrǵanynan da shyǵar, onymen tanysýshylardyń qatary sát saıyn kóbeıe berdi. Biz muny óz gazetimizdiń saıtynda jarııalanǵan «Parlament Májilisiniń saılaýy bıylǵy 20 naýryzda ótetin boldy» dep atalatyn habardyń sońyna toqtaýsyz túse bastaǵan kommentter boıynsha da baıqap otyrdyq. Al pikir ıeleriniń barlyǵy bul sheshimdi qoldaıtyndyqtaryn bildirip jatty. Endi sol oı-tolǵamdardyń birqataryn oqyrman nazaryna usynamyz. Omar, Astana qalasy Negizi, bul durys sheshim boldy. Áneýkúnnen beri jurttyń aýzynda júrgen sózge bir núkte qoıyldy. Serpilis kerek. Jańa saılanatyn Parlament sol serpilisti ákeletin shyǵar degen zor úmittemin. Bórili baıraq Elbasy Jarlyǵynyń qa­jetti sheshim ekeninde daý joq. Biraq meni bir nárse oılandyrady. О́tkende osy ket­keli jatqan depýtattardyń birazy jańa saılanatyn Par­la­mentke qaıta kelgileri kele­tinderin aıtyp qalyp jatyr. Eger shynynda tap solaı bolsa, jańa saılaýdyń da, jańa Parlamenttiń de ne keregi bar? Shyn máninde ol eshqandaı da jańa Parlament bolyp shyqpaıdy ǵoı. Qasym О́z basym jańa Parlament shynynda jańa bolsa, oǵan rasynda jańa adamdar kelse eken dep tileımin. Turar О́mirǵalı Bolashaq úshin jasalyp jatqan iste kemshilik bolmaıdy. Bul ıdeıanyń erteń nátıjesin kórgende «e, solaı eken ǵoı!» dermiz. Táýelsizdik tarıhynda talaı bolǵan jaǵdaı ǵoı. Sondyqtan, bul sheshimniń ar jaǵynda taǵy da ıgilikti ıdeıa jatqanyna senemin. Asylzat Dúısen Biz qandaı qıyn sátterde de Elbasynyń halyqty alda­maǵanyn bilemiz. Aldaǵy bola­shaqta bolatyn jaǵdaıǵa aldyn ala boljam jasaı biletin zor qabileti bar adam. Eldiń aman, jurttyń tynysh otyrǵany sonyń arqasy. Saılaýǵa bir kisideı qatysqan durys. Bizge qazirgideı al­maǵaıyp za­manda, ne aıtsa soǵan bas shulǵyǵyshtar emes, durys ıdeıa aıta alatyn adamdar kerek jáne olar Elbasynyń aınalasynan tabylýy tıis. Aqylbek Jańa ujym ózimen birge ylǵı da tyń ıdeıalaryn qosa alyp keledi. Daǵdarys kezinde Qazaqstan úshin árbir utymdy oı, elimiz úshin paıdasy zor bastamalardyń qajeti bolyp-aq tur. Al endigi Májilis quramyna bilimdi azamattardyń kelgenin tileımin. Batyrbek Tómengi palatanyń taraǵany durys-aý, alaıda, aldaǵy saı­laý­dan úlken minbelerde ult­tyń, qazaqstandyqtardyń, ekonomıka men saıasattyń soıylyn soǵatyn shynaıy depýtattar ótse ǵoı. Bizge qalǵyp-múlgip otyratyn myrzalar emes, kókiregi oıaý jandar kerek. Nur-Han Aldaǵy saılaý naǵyz tar­tysqa toly, elim dep eńi­reıtin bilimdi azamattar báıgege túse­tin doda bolsa dep tileımin. Osy taraǵan Parlamenttiń 40 paıyzy ǵana el qamyn oılady dep bilemin. Qalǵany uıqybastar. Qazirgi jahandyq daǵdarysta elge pana, Elbasyna adal, Otanyn súıetin patrıot azamattar depýtat bolýy kerek. Baǵdat Aınazar Elbasy myń oılanyp, júz tolǵanyp baryp, Jarlyqqa qol qoıdy. Osy arada áńgimeniń ashyǵyn aıtsaq, nege Elbasy kóp oılandy? О́ıtkeni, biz saılaýdy ótkizermiz, qyrýar qarjy jumsalar, biraq qaıta jasaqtalǵan Parlament el údesinen shyǵa ala ma? Mine, gáp osynda boldy. Sondyqtan Nazarbaev birden sheshim shy­­ǵar­mady. Men osyndaı sabyrlylyǵy úshin Elbasyn qurmetteımin. Bazylhan Qyzyrhanuly, Shyǵys Qazaqstan oblysy, Úrjar Elbasy eldiń tilegin es­kerdi. Saılaý ótetin boldy. Bek qýanyshtymyz. Endi osy saılaý arqyly qoǵamǵa qajet adamdar mandatqa ıe bolsa deımiz. Ásirese, alystaǵy aýyldardyń tynys-tirshiligin oılaıtyn, halyq qamyna qabyrǵasy qaıysatyn azamattar depýtat bolsa degen tilegimiz bar. «Aýyl» partııasy arqyly aýyldaǵy aǵaıynǵa jumys berip otyrǵan myqty fermer­ler, agrosektor ókilderi kandıdat bolýy tıis. Sonan keıin Assambleıa ókilderine mandat bergen sııaqty, oralman aǵaıynǵa da Májilisten oryn berilse, bul Parlamentke ózgeshe demokratııalyq, ult­tyq reńk berer edi. Adam fak­torynyń róli zor. О́z oıy men usynysyn ashyq jáne saýatty aıtatyn kandıdattar kerek. Aıgúl Amangeldiqyzy, Semeı Bizdiń Semeı qalasynyń ınfraqurylymyn retteıtin zańdar qabyldanýy kerek. Qalaǵa respýblıkalyq mártebe berilse, bul másele sheshimin tabar edi. Semeı – qazaqtyń rýhanı ordasy. Sondyqtan, qalamyzdyń únin aıtar azamat­tardyń depýtat bolǵanyn qalaı­myn. Elbasy saılaýdy ótkizý jónindegi halyqtyń tilegin eskerdi ǵoı. Endi semeı­lik aǵaıynnyń jaǵdaıyna da qaraılassa jaqsy bolar edi. Árıne, Semeı sońǵy jyldary aqyryndap damyp keledi. Bıznes-sýbektileri kóbeıdi. Byltyr Elbasy ózi kelgende de kórdi ǵoı. Degenmen, kóp­tegen kósheler oıqy-shoıqy buzy­lyp bitti. Qalada ystyq sý máselesi sheshimin tapqan joq. Jumys oryndaryn qurý qajet. Osy máseleler depýtattyqqa úmit­kerlerdiń esinde bolýy tıis. Aıtjan Saılaý – halyqqa óz tań­daýyn jasap, eldiń damýy úshin ózindik ún qosatyn tamasha qural. Bizdiń halyqqa taǵy bir osyn­daı múmkindik buıyryp otyr eken. Qutty bolsyn. Ádet­tegideı qazaqstandyqtar tań­daý jasaýda qatelespeıdi dep oılaımyn. Qaırat, Qordaı Menińshe, Májilistiń jańa quramyna tańdaý óte qatań bolatyn sııaqty. Shynynda alǵyr, isker adamdar ótýi kerek qoı. Za­man, ýaqyt sony talap etip otyr. Muhıt Ǵarıfýllın Qazir álem úlken jolaı­ryqtyń aldynda tur. О́ıtkeni, jahandyq daǵdarystyń sal­qyny adamzattyń damýyn tejep, keri áser etýde. Osyndaı qysyltaıań shaqta eldiń er­teńi úshin ıgi ister jasap, kele­shegimizdiń kelbetti bolýy úshin batyl qadamdarǵa barý – ár qazaqstandyqtyń basty mindeti. Zamana kóshinen qalmaý úshin bilek sybanatyn kez endi týdy dep sanaımyn. Sondyqtan Elbasy kóregendilik tanytyp, Parlament saılaýyn ótkizýge baılanysty Jarlyqqa qol qoıypty. Endeshe, árqaısymyz Prezıdentimizdiń sheshimin qol­dap, saılaýdyń joǵary deńgeıde ótýine bir kisideı atsa­lysaıyq degim keledi. Raýǵash Menińshe, bul óte durys sheshim. Saılaý halyqqa tyń serpilis, jańa qarqyn, jańa kúsh-jiger beredi. Qazirgi tar jol, taıǵaq keshýde tek bizge emes, búkil álemge osyndaı bir batyl sheshimder qajet. Prezıdentimizdiń reformalary men strategııalyq baǵdar­lamalaryn júzege asyrý úshin de jańasha oılaıtyn mamandar kerek. Osy saılaýdan Májiliske sondaı sony ıdeıa­lary bar jandar keledi dep úmittenemin. Gúlsara Der kezinde qabyldanyp otyr. Bolashaq kútip turǵan daǵdarystyq ýshyǵýlarǵa jańa qurammen birge tótep beretin bolamyz. Men Elbasymyzdyń sheshimin qoldaımyn. Janǵabyl Spıkerler úshin bul naýqan ózderiniń qolynan ne keletinin kórsetetin kez. Sondyqtan olarǵa sáttilik tileımiz. Jambyl, Mańǵystaý oblysy Saılaý dúrkiretip ótkize salatyn toı-mereke emes, ol – eldiń bolashaǵy, búgingi daǵdarys kezeńinde baıypty baǵdar, baısaldy bolmys­pen jańasha is atqara alatyn laıyqty azamattardy is basyna, jaýapty orynǵa shaqyrý, sol oryndy olarǵa jaýapkershilikpen usyný. Saı­laýdyń mańyzyn halyq ta, saılaýǵa qatysatyn kandıtattar da, saılanǵan depýtattar da tereń túsinýi tıis. Saılaýdy asqan jaýapkershilikpen, uıymshyldyqpen ótkizýge bar­lyǵymyz qatyssaq deımin. Aısha, Ońtústik Qazaqstan oblysy Naqty kúni de belgilendi-aý! Endigi kezekte sol orynǵa laıyqty adamdardy qoısa dep tileımin. Qysyltaıań kezde bolmashy ıdeıalarymen emes, tyǵyryqtan shyǵýdyń jańa joldaryn kórsete biletin, halqyn órge súıreıtin azamattar jaıǵasady degen úmittemin! Camat Amanǵalıuly, Atyraý oblysy Bul saılaýdyń mańyzy erekshe. Ony Elbasy óz úndeýinde oryndy aıtyp berdi. Eldiń, halyqtyń ıgiligi úshin qyzmet etetin ultjandy, eljandy depýtattar saılanady degen úmitim bar. Qazir bizge eldiń ekonomıkasyn daǵdarysqa ushyratpaı, qıyndyqtan shyǵýǵa baǵyt beretin zańdar qabyldaýda saýattylyq tanytatyn depýtattar qajet. Olardy árıne, partııalar tańdaıdy. Alaıda, ár partııanyń el múddesin oılaıtyn kandıdattar usynatynyna senemin.