Únemdeýdi úırenýimiz kerek

Qazaqstan jahandyq úderis shańyna jutylyp ketpeı, tarıh jylna­masynan óz ornyn oı­yp turyp alýy kerek. Ol úshin jasaıtyn ju­mystar jetkilikti. Eń bastysy, elimizdi týra joldan adastyrmaıtyn, jahandyq syn-qaterlerge uryn­dyr­maı­­tyn, daǵdarysqa qarsy baǵ­darlamalardy qamtıtyn Ult Josparymyz bar. Osyndaı jaǵdaıda Parlament Májilisi depýtattarynyń óz ókilettikterin merziminen buryn toqtatýyn suraǵan úndeýin qa­byldap, Jarlyqqa qol qoıǵan Memleket basshysy Nursultan Nazarbaev «men depýtattardyń bastamasyn Qazaqstan men qa­zaqstandyqtardyń taǵdyryna otanshyldyq turǵydan qamqor­lyq tanytýdyń kórinisi dep qabyldaımyn», dedi. Burynǵy Parlament Májili­si depýtat­tarynyń Par­­la­ment­ten bólek túrli deń­geıdegi máslıhattar saılaýlaryn artyq qarjy shy­ǵynsyz bir mezgilde ótkizýge ún­degeni de eldiń qamy dep túsindik. Biz shıkizattan tú­setin ta­bysqa maldana bermeı onyń baǵasy tómen jaǵdaıda da ómir súrýge talpy­nýymyz kerek. Álem­de tabıǵı qazba baı­lyqtary joqqa tán bolsa da shekesinen sherýen atyp, ǵylym men jańa tehno­logııalar­dyń arqasynda baılyqqa batyp otyr­­ǵan memleketter bar. Bizdiń elde de jańasha oılaı alatyn, álemdik ǵylymı jańa­lyqtardyń ıesi, ıdeıalaryn óndi­riske qol­dansa úlken tabysqa ke­nel­tetin ǵalymdarymyz jetki­likti. Qazaqstannyń keleshegi sha­ǵyn jáne orta bızneste. Ulan-ǵaıyr jerimiz myń­ǵyrǵan mal ósirýge de, baý-baqsha, kókónis, astyq egýimizge de molynan jetedi. Bul týraly Elbasymyz talaı ret aıtqan. Ja­ıy­­lymdyqqa jer tappaı otyrǵan memleketter de bar. Máselen, joǵary surypty sıyr etin daıyndaýmen aty shyqqan, kúrep tabys taýyp otyrǵan Ońtústik Koreıa memleketi mal bordaqylaý konsern­derine azyqtyq jem daıyndaý úshin qajet shóp, daqyldardy Amerı­kadan bastap biraz shetelderden tasymaldaıdy. О́zinde jer jetpeıdi. Qazir ońtústikkoreıalyq kásipkerler Saryaǵash aýdanynda jylyjaı salý, baý-baq­sha ónimderin ósirý jóninde ákimdikpen kelisimshart jasasyp, ınvestısııa salyp jatyr. Memleket basshysy Parlament Má­jilisi depýtattarynyń kezekten tys saı­laýyn taǵaıyndaýǵa baılanys­ty halyqqa úndeýin­de ındýstrııalandy­rýdy alǵa bas­­tyryp, shaǵyn jáne orta bıznesti damytý kerektigin aıtty. Bul baǵytta oblys basshysy Beıbit Atamqulov tolymdy jumys jasap jatqan­dyǵyn aıtý kerek. Memleket basshysy «Qazaqstandaǵy úshinshi qala Shymkent» dep baǵa bergen shahar ákimi Ǵabıdýlla Ábdirahımov te Shymkenttiń sáýletin arttyratyn, baılyǵyn eseleıtin, halyqtyń ál-aýqatyn kóteretin jobalar daıyndap, úlken ınves­tısııalardyń quıylýyna uıytqy bolyp otyr. Qazirgideı qıyn jaǵdaıda ysyrapsyz ómir súrip, resýrstardy únemdep, jumys oryndaryn saqtamasqa bolmaıdy. «Qazir eldiń árbir azamatynyń pat­rıot­tyǵy synǵa túsýde. Bizde taǵdyrǵa moıynsunyp, áıteýir bir ýaqyttary bári ornyna keletinine, munaı baǵasy kóterilip, jaǵ­daıdyń jaqsaratynyna úmittenip otyrýǵa ýaqyt joq. Búginde kez kelgen jahandyq syn-qaterge únemi júıeli ári aldyn ala jaýap berý jáne tıisti sharalar qabyldaý mańyzdy. Bizge «Qazaqstan-2050» Stra­tegııasynyń baǵytyn jal­ǵas­tyryp, daǵdarysqa qarsy baǵ­darlamany iske asyrý, Ult Jos­paryn oryndaý kerek. Myń­daǵan azamattarymyzǵa jumys bere otyryp, «Nurly Jol» baǵ­darlamasyn belsendi júzege asyrý qajet. Úkimet, mınıstrler men barlyq deńgeıdegi ákimder burynǵy daǵdarys tájirıbesi men ın­fraqurylymdyq qurylys múm­kindikterin paıdalana otyryp, jumys oryndaryn usyný arqyly shyǵyndardy qysqartý, apparatty ońtaılandyrý úshin rezervter izdestirýi tıis», dedi El­basy. Biz osy údeden tabylýǵa tıis­timiz.  Beısenbek JANBOSYNOV, Shymkent qalasy ákiminiń orynbasary.  Ońtústik Qazaqstan oblysy.