Saıası saıys, syndarly synaq

Keshe Qazaqstan Respýblıkasy Prezıdentiniń janyndaǵy Ortalyq kommýnıka­sııalar qyzmetinde Ortalyq saılaý komıssııasynyń 2016 jylǵy 20 naýryzǵa taǵa­ı­yn­dalǵan partııalyq tizimder boıynsha saılanatyn Parlament Májilisi depýtat­tarynyń jáne 2016 jylǵy 21 naýryzǵa taǵaıyndalǵan Qazaqstan halqy Assam­bleıa­sy saılaıtyn Parlament Májilisi depýtattarynyń saılaýyn ázirleý men ótkizý jónindegi negizgi saılaý rásimderin túsindirý boıynsha baspasóz máslıhaty boldy. Ortsaılaýkom Tóraǵasy Q.Tur­­ǵan­­qulov buqaralyq aqparat qural­­darynyń ókilderin 20 qań­tarda Qazaqstan Respýblıkasy Or­talyq saılaý komıssııasy atal­ǵan saılaý naýqandaryn ázir­leý men ótkizý jónindegi negiz­gi is-sharalardyń kúntizbelik jos­par­laryn bekitkeni týraly aqpa­rattandyrdy. «Jalpy, Májilis depýtattary men máslıhattar depýtattaryn saılaýdy qosa ótkizý qazirgi ekonomıkalyq jaǵdaıda obek­tıvti negizdelgen sheshim dep sanaımyz. Bul saılaý naý­qan­daryn ótkizýge bólingen bıýdjet qarajatyn edáýir únemdeýdi qam­ta­masyz etýge múmkindik beredi. Al bul shamamen – 4,8 mıllıard teń­ge», – dedi Q.Turǵanqulov. Bekitilgen kúntizbelik jos­parlarǵa sáıkes saılaý naýqan­dary­nyń negizgi kezeńderi kele­si­deı merzimderde ótedi. Partııalyq tizimder boıynsha saılanatyn Parlament Májilisiniń depýtattaryn saılaýda kandıdattardy usyný 2016 jylǵy 8 aqpanǵa deıin, al partııalyq tizimderdi tirkeý 19 aqpanǵa deıin júrgiziledi. «Saılaý týraly» Zańǵa sáıkes partııalyq tizimder boıynsha saılanatyn Májilis depý­tat­tyǵyna kandıdattardy usyný quqyǵy saıası partııalarǵa, al Qazaqstan halqy Assam­bleıasy saılaıtyn Májilis de­pý­tattyǵyna kandıdattardy usyný quqyǵy Assambleıa Keńesine tıesili. Májilis depýtaty bolyp saı­laný úshin azamat Qazaqstan Respýb­lıkasynyń Kons­tı­týsııasy belgi­legen talaptarǵa saı kelýi tıis. Atap aıtqanda, elimizdiń Ata Zańynyń erejelerine sáıkes, Májilis depýtaty bolyp 25 jasqa tolǵan, Qazaqstan Respýblıkasynyń aza­mat­tyǵynda turatyn jáne onyń aýmaǵynda sońǵy on jyl turaqty turatyn azamat bola alady. Sot is-áreketke qabiletsiz dep tany­ǵan, sondaı-aq sot úkimimen bas bos­tandyǵynan aıyrý oryndarynda otyrǵan azamattardyń saılaý jáne saılaný quqy joq. Májilis depýtattyǵyna saılaný úshin partııalyq tizimge engizý saıası partııanyń joǵarǵy organy músheleriniń jalpy sanynyń kópshiligimen júrgiziledi. Bul rette, saıası partııalar partııalyq tizim­derge osy saıası partııanyń múshesi bolyp tabylmaıtyn adamdardy engizýge quqyǵy joq. Qazaqstan halqy Assambleıasy saılaıtyn Májilis depýtattaryn saılaý jónindegi saılaý resim­deri­niń merzimderi partııalyq tizimder boıynsha saılanatyn Májilis depýtattaryn saılaý úshin aıqyndalǵan merzimdermen tuspa-tus kelmeıdi. Qazaqstan halqy Assam­bleıa­synan Máji­lis depýtattyǵyna kandıdattardy usyný 29 aqpanǵa deıin sozylyp, al olardy tirkeý 29 aqpan – 5 naýryz aralyǵynda ótedi. Máslıhattar depýtattaryn saılaýda kandıdattardy usyný 2016 jylǵy 19 aqpanǵa deıin júrgiziledi. Bul rette máslıhattar depý­tat­tyǵyna kan­dı­dattardy usynýdy belgilengen tártip­te tirkelgen respýblıkalyq nemese jergilik­ti qoǵamdyq birlestikter, sondaı-aq, olardyń qurylymdyq bólimsheleri jáne ózin-ózi usyný jolymen azamattar júzege asyrady. Baspasóz máslıhaty barysynda Ort­saılaýkom basshysy qazirgi ýaqytta Ort­saılaýkomda saılaýdy ótkizýge qajetti bar­lyq kadrlyq jáne materıaldyq resýrs­tar bar jáne oǵan daıyn ekenin atap ótti. Azamattarǵa jáne saılaý úderi­sine qatysýshylarǵa ózderiniń kons­tı­týsııalyq quqyǵyn erkin iske asy­rý múmkindigi qamtamasyz etiledi. Sóziniń sońynda Ortsaılaýkom basshysy jaqyn arada saılaýdy ázirleý men ótkizý ýaqytyna turaqty túrde jumys jasaıtyn baspasóz ortalyǵynyń ashylatyndyǵy týraly aıtty. Baspasóz máslıhaty barysynda Ort­saı­laýkom músheleri buqaralyq aqparat qural­dary ókilderiniń suraqtaryna jaýap berdi. Atap aıtqanda, elimizdiń saılaý organdarynyń mańyzdy min­det­teriniń biri – saılaýdy uıymdas­ty­rý­dyń, ázirleý men ótkizýdiń negizgi halyqaralyq qaǵıdattaryn saqtaý­dy qamtamasyz etý bolyp tabylady. Saılaý úderisiniń barlyq kezeńderindegi onyń ashyqtyǵyna, jarııalylyǵy men transparenttigine sondaı-aq otandyq jáne sheteldik sarapshylardyń saılaýdy baıqaýǵa belsendi qatysýy yqpalyn tıgize­tin bolady. Ol úshin Syrtqy ister mınıstrligimen birlesip halyq­aralyq baıqaýshylar ınstıtýty jumys istemek. Ortsaılaýkom saılaý organdaryna qajetti uıymdastyrýshylyq, ádistemelik jáne aqparattyq qoldaý kórsetedi. Tıisti quraldar, ki­tap­shalar, baspa, sondaı-aq, dybys jáne beınematerıaldar ázirlenýde. Asqar TURAPBAIULY, «Egemen Qazaqstan».