Jurttyń ózi senetin adamdardy tańdaýǵa múmkindikteri bar

Keshe Almaty qalasyndaǵy Ortalyq kommýnıkasııalar qyzmeti alańynda 20 naýryzda ótetin Parlament Májilisi jáne barlyq deńgeıdegi máslıhattar depýtattaryn saılaý naýqany týraly jıyn ótti. Oǵan «Zańgerler ádil saılaý úshin» respýblıkalyq qoǵamdyq birlestiginiń tóraǵasy О́miráli Qopabaev qatysty. Is-sharada birlestik tóraǵasy Memleket basshysynyń kezekten tys Parlament saılaýyn ótkizý týraly sheshimi halyqqa eldiń qazirgideı jańǵyrý kezeńinde óz taǵdyrlaryn senip tapsyratyn jandardy tańdaýǵa múmkindik beretinin aıtty. «Zańgerler ádil saılaý úshin» respýblıkalyq qoǵamdyq birlestigi 10 jyldan beri jumys istep keledi. Biz saılaý úderisin ádil baqylaýmen qamtamasyz etemiz, qoǵamdyq monıtorıng júrgizip, tártip buzýshylyqtardy saraptaımyz. Sondaı-aq, saılaý úderisiniń sýbektileri men memlekettik organdarǵa keńes beremiz. Birlestigimiz 2005 jyly ádilet organdarynda memlekettik tirkeý rásiminen ótti. Sodan beri ol baqylaýshy retinde barlyq Prezıdent jáne Parlament saılaýyna belsene qatysyp keledi», – dedi О́.Qopabaev. Onyń sózine qaraǵanda, baqylaý nátıjesi boıynsha usynylǵan birlestiktiń qorytyndylary men sheshimderi tek zańdyq saraptama quraldaryna negizdelgendikten ádil ári shynaıy bolǵan. Sonymen qatar, sarapshy óz sózinde: «Májilis pen barlyq deńgeıdegi máslıhattardyń aldaǵy saılaýy jergilikti jerlerdegi jaǵdaılardy tez arada taldap, azamattar men bılik arasyndaǵy baılanysty tereńdete túsýge múmkindik beredi. Dál qazir ha­lyq­ta eldiń jańarýy kezinde bastalǵan jumystardy odan ári iske asyrýdy senip tapsyratyn adamdardy tańdaý múmkindigi týdy. Bul óte mańyzdy nárse», – dedi. Sóz sońynda, ol birlestiktiń Parlament Májilisiniń altynshy shaqyrylymy men jergilikti ókiletti organdar depýtattarynyń kezekten tys saılaýynda baqylaý júrgizýge daıyn ekenin jetkizdi. Qanat Eskendir, «Egemen Qazaqstan».