Mıllıonynshy abonent

Saıram aýdany Aqarys aýy­­lynyń turǵyny Tamara Bına­zarova «OTAU TV» teleradıohabar taratý jelisiniń mıllıonynshy abonenti bolyp anyqtaldy. «OTAU TV» mereıtoılyq abo­nen­tke teledıdar tartý etti. Sony­men qatar, Tamara endi «To­lyq» aqy­ly arnalar toptamasyn bir jyl bo­ıyna aqsha tólemeı-aq kóre alady. Tamara Bınazarovany qut­tyqtaǵan oblys ákiminiń oryn­basary Erlan Aıtahanov «Mereı­toılyq abonenttiń dál osy Oń­tústik Qazaqstan oblysynan shyq­qany tegin emes. Shekaralas jatqan ári halqy tyǵyz ornalasqan óńir úshin aqparattyq qaýipsizdik máselesi óte ózekti. Osy maqsatta 2015 jyly respýblıka boıyn­sha shekaralas aımaqtarda 297 RTS salynsa, onyń 66-sy OQO aýmaǵynda qoldanysqa berildi. Kóptegen jyl boıy shekaralas aýmaqtardyń turǵyndary jerseriktiń kómegimen kórshiles elderdiń telehabaryn qarap kelgen. Sonymen qatar, taıaý jyldarǵa deıin oblystaǵy 67 eldi mekenniń turǵyndary analogtyq jelide nebári 1-2 telearnany tamashalaǵan. Endi sıfrlyq jerseriktik jáne efırlik telehabar taratý jelileri iske qosylǵaly beri, ońtústikqazaqstandyqtar sıfrlyq sapadaǵy otandyq telearnalar habarlarymen tolyq qamtamasyz etildi», dedi. «OTAU TV» jerseriktik jelisi 2011 jyly Elbasynyń tikeleı tapsyrmasymen elimizde tuńǵysh ret qosylǵan. Búginde ol Qazaqstannyń barlyq óńirinde qoljetimdi boldy. «OTAU TV» arqyly 40 telearnany tamashalap, 14 radıohabarlaryn tyńdaýǵa bolady. Bul týraly mıllıonynshy abonentti quttyqtaýǵa arnaıy kelgen «Qazteleradıo» bas kommersııalyq dırektory Baqtııar Oshýrbaev aıtty. Búginde shamamen «OTAU TV» ónimin elimizdiń tórt mıllıon adamy, ıaǵnı 23 paıyzy kóredi eken. Al onyń árbir tórtinshi abonenti ońtústik turǵyndaryna tıesili. Baqtııar TAIJAN, «Egemen Qazaqstan». ShYMKENT.