Baspanasyz ári qujatsyz otbasyǵa kómek kórsetilýde

Atyraýda bir otbasynyń qu­jatsyz, baspanasyz qalǵany, qazirgi ýaqytta jylýsyz ýaqyt­sha saraıda turyp jatqany anyq­taldy. Osyǵan oraı Aty­raý qa­lasynyń ákimdigi tómen­de anyq­talǵan jaıttar týraly res­mı má­limdeme taratty. Shyn­dyǵynda, 1962 jyly týǵan N.Or­lov pen 1974 jylǵy E.Prı­dano­vanyń aza­mat­tyq nekeden úsh balasy bar eken. Balalary 2011, 2013 jáne 2015 jyly ómirge kelgen. Otba­sy músheleriniń barly­ǵy­nyń da jeke basyn kýálan­dy­ra­tyn qu­jattary joq ekeni anyqtalyp otyr. Qala irgesindegi sharýa qoja­lyǵynda usynǵan­ baspanasy órtenip ketipti. Osy jaıttardy anyqtaǵan ákimdik janynan qurylǵan arnaıy komıssııa sheshimimen N.Orlov turǵylyqty meken-jaıy anyqtalmaǵan tulǵalardy beıimdeý ortalyǵyna, al E.Prı­danova úsh balasymen birge áıel­derge arnalǵan daǵdarys orta­lyǵyna ornalastyryldy. Endi qa­lalyq ákimdiktiń jumyspen qamtý jáne áleýmettik baǵdarlamalar bóliminiń mamandary AHAJ qyzmetkerlerimen birge jeke basyn kýálandyratyn qujattaryn qalpyna keltirýge jáne N.Orlovty jumysqa orna­lastyrýǵa kómegin bermek. So­nymen birge, 1 jasqa deıin­gi bala kútimine baılanysty jáne ba­lalar járdemaqysyn resim­deýge de kómek beriledi. Komıs­sııa músheleri N.Orlov pen E.Prı­da­novanyń jeke ıeliginde turǵyn úıiniń bar-joǵyn anyqtaýǵa da kiristi. Olardyń attarynda turǵyn úı tirkelmegen bolsa, olardy baspana alý kezegine qoıý úshin qujattary jınaqtalmaq. Myna derek te jurtty tań­dan­dyryp otyr. Azamattyq neke­degi jarynan úsh bala tap­qan E.Prıdanova iz-túzsiz joǵal­ǵan­dar tiziminde bolyp shyqty. Oǵan týys­tary izdeý salyp, tipti, múrdesin tanyǵan syńaı tany­typty. О́mirde uqsas jandar az deı­siz be, bálkim, týystary ony ál­de­bireýmen shatystyrǵan bo­lar. Qa­laı degende de, qazir baspa­nadan da, qujattan da jur­daı otbasy Atyraý qalalyq ákimdiginiń baqylaýyna alyndy. Joldasbek ShО́PEǴUL, «Egemen Qazaqstan». ATYRAÝ.