Byltyr Jambyl oblysy kásipkerler palatasyna 5 454 ótinish túsipti

TARAZ. 22 qańtar. Jambyl oblysyndaǵy jalpy bıznes sýbektileriniń sany 75 453-ti qurap otyr. Onyń 99,3 paıyzy – shaǵyn, 0,5 paıyzy – orta, 0,1 paıyzy – iri bıznes sýbektileri. Bul týraly egemen.kz tilshisi habarlady. О́tken 2015 jyly oblystyq kásipkerler Palatasyna barlyǵy 5 454 ótinish kelip túsipti. Palata qyzmetin paıdalanýshylardyń 62 paıyzy oblys ortalyǵynan bolsa, 38 paıyzy aýdandaǵy kásipkerler. «Elbasymyzdyń «Ult jospary – qazaqstandyq armanǵa bastaıtyn jol» atty maqalasy aldymyzǵa taǵy da jańa mindetter qoıdy.  El damýynyń ár salasynda atqarylatyn qyrýar isterdiń jospary osynda kórsetilgen», deıdi Jambyl oblysy kásipkerler palatasynyń dırektory Qarlyǵash Aralbekova jýrnalıstermen ótkizgen brıfıngte. Palatanyń negizgi basym baǵyttarynyń biri – kásipkerler quqyn qorǵaý. Bul baǵyttaǵy kelip túsken aryz-shaǵymdardyń 80 paıyzy shaǵyn, 20 paıyzy orta bızneske tıesili. Quqyqtyq máseleler boıynsha palataǵa kelip túsken 279 aryz-shaǵymnyń 76-y kásipkerler quqyn qorǵaý júıesi boıynsha bolsa, onyń 42-i ońtaıly sheshimin tapqan. Kelip túsken aryz-shaǵymdardyń 48 paıyzy jer máselesine, 21 paıyzy salyq, 18 paıyzy memlekettik satyp alýlar al 19 paıyzy basqa da salalarǵa qatysty. Jalpy jyl basynan beri 1 640 016 954 teńge kóleminde kásipkerler quqy qorǵalǵan. Kásipkerlik kókjıeginiń keńeıe túsýine ákimshilik kedergiler de kóp áserin tıgizedi. Bul turǵyda Kásipkerler palatasy oblysymyzda shaǵyn jáne orta bıznestiń damýyna tejeý bolyp otyrǵan 28 ákimshilik kedergini anyqtady. Onyń ishinde respýblıka deńgeıindegi 25 ákimshilik kederginiń 3 joıylyp, 21-i «Atameken» UKP qaraýynda bolsa, jergilikti deńgeıdegi 3 ákimshilik kederginiń 2-i joıyldy. 75 paıyzy shaǵyn al, 25 paıyzy orta kásipkerliktiń damýyna tejeý bolyp otyrǵan ákimshilik kedergiler tabıǵı monopolııa, tarıf, satyp alýlar, jer qatynastary, medısına jáne farmasevtıkalyq óndiris, salyq tólemderi, ruqsattama rásimi, aýylsharýashylyǵy, sáýlet jáne qurylys, kedendik retteý, saýda qyzmeti, kólik, logıstıka jáne baılanys salarynda oryn alǵan. Kásipkerler palatasynyń bir mindeti – kásipkerlik sýbektileriniń múddesine qatysty zańnamalyq nemese normatıvtik-quqyqytyq aktiler qabyldanar kezde oǵan saraptamalyq qorytyndy berý. Esepti merzimde 214 normatıvtik-quqyqtyq akti jobasy qaralyp, onyń 156-si boıynsha saraptamalyq qorytyndy berilse, 58-si tolyqtyrýlardy qajet etetindikten keri qaıtaryldy. Kásipkerler múddesin qorǵaý jáne bıznestiń júıelik sıpattaǵy problemalaryn anyqtaý maqsatynda Palata sarapshylary konsýltatıvti-keńesshi organdar jumysyna da belsendi túrde qatysady. Búgingi tańda oblystyq deńgeıdegi 25, qalalyq deńgeıdegi 12, aýdan kólemindegi 5 konsýltatıvti keńesshi organǵa palata sarapshylary múshelikke enip, kásipkerler múddesin qorǵaýda,-deıdi Q. Aralbekova. Oralhan Dáýit. Derek, sýret:egemen.kz