Almaty jastary Qazaqstan halqyna Úndeý jarııalady

ALMATY. 22 qańtar. Ústimizdegi jyldyń 20 naýryzyna belgilengen QR Parlamenti Májilisiniń jáne óńirlik máslıhat depýtattarynyń mezgilinen  buryn ótetin kezekten saılaýyna oraı, Qazaq memlekettik qyzdar pedagogıkalyq ýnıversıtetinde Almaty qalasy jastarynyń forýmy bolyp ótti. Bul týraly egemen.kz tilshisi habarlady. Forýmǵa Qazaqstan halqy assambleıasy janyndaǵy «Jarasym» jastar qanaty, Almaty qalalyq fılıalynyń «Jas Otan» jastar komıteti, «Eriktiler lıgasy» jastar qozǵalysy, G38, Almaty qalasy stýdentter alıansy, «Sunqar» stýdentter kásipodaǵy,  «Jasyl el» jastar eńbek jasaqtary, Qyzdar ýnıversıteti, Abaı atyndaǵy QazUPÝ, ál-Farabı atyndaǵy QazUÝ, QazUAÝ, «Turan» ýnıversıteti jáne taǵy da basqa JOO-nyń belsendi stýdentteri, 38 stýdenttik jáne jastar uıymdarynyń kóshbasshylary men belsendi músheleri qatysty. Jıyndy ashqan Qyzdar ýnıversıtetiniń rektory Dınar Nóketaeva Elbasy úndeýiniń mánine toqtalyp ótip, Jańa Qazaqstannyń jasampaz jastaryn saılaýdy qoldaýǵa shaqyrdy. Sonymen qatar, forým aıasynda Almaty qalasynyń jastary men stýdenttik uıymdarynyń ókilderi Qazaqstan Respýblıkasy Parlament Májilisi men barlyq deńgeıdegi máslıhattar depýtattarynyń kezekten tys saılaýyn ótkizý týraly sheshimdi qoldaıtyndyǵy jóninde Úndeý jarııalap, barsha qazaqstandyq jastardy saılaýdy qoldaýǵa shaqyrdy. Aınash Esalı. Derek, sýret: egemen.kz.