Reseıde jazasyn óteýshi tórt adamdy óltirgen qylmyskerdi óltirdi

ASTANA. 22 qańtar. Reseıde úsh adamdy pyshaqtaǵan jigit túrmede tórt týysqanyn óltirgen jazasyn óteýshini óltirdi. Bul týraly lenta.ru saıtyna silteme jasaǵan egemen.kz tilshisi habarlady. Prımore ólkesi tergeý komıteti basqarmasynyń habarlaýynsha, úsh adamdy óltirip, ómir boıy bas bostandyǵynan aırylǵan 26 jastaǵy jigit ózimen birge bir kamerada otyrǵan taǵy bir qylmyskerdi óltirgen. Ol 31 jastaǵy jigitti baýyzdap tastaǵan. Sonyń saldarynan kameralasy jan tásilim etti. Qaıtys bolǵan adam da birneshe adamdy óltirgen kórinedi. Ol buǵan deıin azamattyq nekedegi áıelin, onyń 8 jastaǵy balasy men óziniń áke-sheshesin óltirgen eken. Tergeý komıtetiniń derekterine qaraǵanda, ol 7 qańtar kúni tún ortasynda qyzǵanyshtan ashy sýǵa toıyp alyp, azamattyq nekedegi áıeli men onyń balasyn lommen uryp óltirgen. Sodan keıin áke-sheshesiniń úıine baryp, anasyn pyshaqtaǵan. Osy kezge deıin  anasy áıeliniń kózine shóp salǵanyn jasyryp kelipti. Tergeýshilerdiń aıtýynsha, sol sebepti ol sheshesine pyshaq jumsaǵan. Al ákesin ol bala kezden beri jek kórip kelgen eken. Dastan Kenjalın. Derek: lenta.ru Sýret: egemen.kz