Dıktanttan qate jibergen bala polısııaǵa jaýap berdi

Búginde ıslamǵa jaǵylǵan kúıe­niń saldarynan jazyqsyz jandar da japa shegip jatqany jasyryn emes. Tipti, qazir musylmannyń artyq túshkirgeninen sekem alatyndar bar. Taıaýda sondaı jaǵa ustatar jaǵdaı Ulybrıtanııanyń Lankashır graftyǵynda boldy. Atap aıtqanda, musylman otbasynan shyqqan 10 jasar mektep oqýshysy dıktantta «lańkester úıinde turamyn» dep qate jazyp jibergen. Ol muǵalim «qarapaıym qurylystaǵy» (terraced house) úıde ómir súrý týraly mátindi oqyǵan kezde salǵyrttyq tanytqan. Degenmen, oqýshynyń «lańkestikti» jazbasha túrde eske salýynyń ózi eskerýsiz qalmady. VVS-diń habarlaýynsha, erte­sine-aq balanyń úıine polısııa qyzmetkerleri kelgen. Áleýmettik qyzmet ókilderimen birge kelgen olar 10 jasar oqýshydan túsinikteme almaq bolǵan. Oqıǵanyń mán-jaıy anyqtalǵannan keıin tártip saq­shylary bul kúlkili «iske» qatysty eshqandaı is-áreket qoldanbastan ketip qalady. Alaıda, aıaq astynan kúdikke ilingen ul balanyń týǵan-týystary bul oqıǵa­dan kúlkili eshteńe tappaǵan. Osylaısha, olar mektep pen quqyq qorǵaý organdarynan ózderinen keshirim suraýlaryn talap etýde. Oqýshynyń otbasy balanyń qazir «jazýdan qorqyp qalǵanyn» aıtyp otyr. О́z kezeginde mektep basshylyǵy muǵalimniń oqý oryndarynda jas­tardyń radıkaldanýynyń aldyn alý týraly zańǵa sáıkes áreket etkenin nazarǵa aldy. О́tken jyldyń shilde aıynan bastap oqytýshylar jetkinshekterdiń kúdik týdyrǵan kez kelgen belsendiligi týraly polı­­sııaǵa habarlaýǵa mindetti. Al quqyq qorǵaýshylar naqty ár oqıǵa boıynsha tıisti qylmystyq sheshim qabyldaıdy. «Egemen-aqparat».