Ústeldiń ólshemi adam tábetine tikeleı áser etedi

Qazirgi tańda álemdi alań­datyp otyrǵan ózekti máse­lelerdiń biri artyq salmaq ekeni belgili. Onyń ártúrli sebebi bar. Sonyń ishinde eń bastysy – durys tamaqtanbaý. Osyǵan baılanysty zertteý jumystaryn júrgizip jatqan amerıkalyq ǵalymdar tamaq ishetin ústeldiń de adam tábetine áseri baryn anyqtady. Bul jańalyqty Kalı­for­nııa shtatyna qarasty Lýıs-Oblıspo qalasyndaǵy polıtehnıkalyq ýnıversı­tettiń ǵalymy Bren­nan De­vıs pen onyń áriptesteri ash­ty. Olar atalǵan zertteý jumys­tary barysynda 200 erikti stý­denttiń tábetine sy­naq júr­gizgen. Atap aıtqanda, bir pıssany ekige bólip, bir bóli­gin – shaǵyn, al ekinshisin úlken ústelge qoıǵan. Nátı­jesinde sha­ǵyn ústelge otyr­ǵandarǵa qara­ǵanda, úlken das­tarqanǵa ja­ıǵasqan stýdentter tamaqty aıtar­lyqtaı az jegen. Psıhologtar men dıetologtar bul jaǵdaıdy adam sa­nasynyń qabyldaýymen túsin­dirip otyr. «Sebebi, úlken ús­teldegi ta­maqtyń da mólsheri adamǵa kóp bolyp kórinedi. Son­dyqtan, adam az jese de, sanasy ony kóp dep qabyldap, qanaǵattanady. Bul – tájirıbe qomaǵaı jandar úshin qolaıly tásil», – deıdi B.Devıs. Búginde artyq salmaqtan aqsha berip, arylyp júrgender bar. Onyń qasynda mamandar bul ádistiń óte qarapaıym ári qoljetimdi ekenin aıtyp otyr. Ernar MUHAMBET.