Davosta qol jetken kelisim

Shveısarııa Astanada ótkiziletin Halyqaralyq maman­dandyrylǵan EKSPO-2017 kórmesine qatysý kelisimshartyna resmı túrde qol qoıdy. Bul týraly Davos qalasynda jyl saıynǵy ótkiziletin Búkilálemdik ekonomıkalyq forým aıasynda belgili boldy. Kelisimshartqa «Astana EKSPO-2017» ulttyq kompanııa­sy» AQ-tyń basqarma tóraǵasy Ahmetjan Esimov pen Shveısarııa Konfederasııasynyń seksııa komıssary Manýel Salhı qol qoıdy. «Shveısarııanyń osy bir mańyzdy sharaǵa qa­ty­­satyndyǵyna biz óte qýa­nyshtymyz. Shveısarııa balamaly qýat kózderin belsendi paıdalanatyn memleketterdiń biri. Onyń ústine, búgingi tańda   klımattyń ózgerýi oryn alyp jatyr. Sondyqtan biz tek energetıka taqyrybyn ǵana emes, onyń qorshaǵan ortaǵa yqpaly máselesin de kóteretin bolamyz», – dedi óz sózinde ulttyq kompanııa basshysy A.Esimov. «EKSPO – bul Shveısarııa úshin energoúnemdilik pen jasyl tehnologııalar salasynda atqarǵan jumysyn álemge pash etetin úl­­ken múmkindik. EKSPO-2017 kórme­siniń «Bolashaq energııasy» at­ty taqyryby ýaqtyly ári mańyz­dy. Dúnıejúzi bo­ıynsha ener­gotıimdilik pen balamaly energııa kózderin damytý máseleleri erekshe ózekti. Bul rette, Shveısarııanyń álemge kórseteri kóp», – dedi Shveısarııa Konfederasııasynyń seksııa komıssary Manýel Salhı. Osy kelisimshart arqyly Shveısarııa EKSPO-2017 kór­me­sin­degi pavılondardyń bi­rin tań­dap alyp, onyń qaıda or­nalasa­tyndyǵyn anyqtady. Endigi ýa­qytta shveısarııalyqtar pavılon­darynyń ishki mazmuny boıynsha jumys atqaratyn bolady. Sonymen qatar, Astana EKSPO-2017 Davos qalasynda aq­parattyq sharalar naýqanyn júrgizip jatyr. Avtobýstar men otelder kórme logotıpimen bezendirilip, Sıýrıh qalasynyń áýejaıynda arnaıy kórme týraly beınerolık kórsetilýde. Aıta ketý kerek, búgingi tańda 70 memleket pen 13 halyqaralyq uıym Astanada ótetin EKSPO kórmesine qatysatyndyǵyn resmı rastady. Ulan SANJAR.