Memleket-jekemenshik áriptestiginiń áleýeti zor

Taıaýda Ulttyq ekonomıka mı­nıstrligi «Qazaqstandyq mem­le­kettik-jekeshelik áriptestik orta­lyǵy» AQ-pen birlesip, Ulttyq ekonomıka birinshi vıse-mınıstri M.Qusaıynovtyń tór­a­ǵalyǵymen Shyǵys Qazaq­stan oblysynyń ákimdiginde «Mem­lekettik-jeke­she­lik áriptes­tik týraly» zańdy túsindirý boıynsha óńirlik semınar ótkizdi. Semınarda memleket-jeke­­shelik áriptestigi (MJÁ) jumystaryn odan ári uıymdastyrý, MJÁ-ni da­mytýdyń jol kartasyn engi­zý máse­leleri, sondaı-aq, «Memlekettik-jekeshelik áriptestik týraly» zańdy túsindirý, ekonomıkanyń barlyq salalarynda MJÁ-niń jo­balaryn josparlaý jáne iske asyrý máseleleri talqylandy. Marat Qusaıynov MJÁ búgingi tańda Úkimet pen óńirler jáne bıznes arasynda ózara tıimdi, uzaq merzimdi yntymaqtastyqty qurý arqyly áleýmettik mańyzdy jobalardy iske asyrýdyń shynaıy balamasy ekendigin atap ótti. «MJÁ-niń damýyn odan ári jyldamdatý úshin Úkimettiń Daǵ­­­da­­rysqa qarsy josparynyń aıa­syn­da óńirlerdi damytý baǵ­dar­lamalaryna jylyna keminde 5 MJÁ jobasyn iske asyrý ındıkatory qosyldy», dedi birinshi vıse-mınıstr óz sózinde. «Memlekettik-jekeshelik árip­­­tes­tik týraly» zańnyń maq­sa­ty qo­ǵam­dyq ıgilikter men kór­seti­letin qyzmetterdiń sapasyn jáne qoljetimdilik deńgeıin arttyrý úshin resýrstardy biriktirý arqyly Qazaqstan Respýblıkasy men jeke sektor arasynda uzaq merzimdi yntymaqtastyqty qalyp­tastyrý jáne kúsheıtý bolyp tabylady. MJÁ týraly zań jekemenshik nysandary bar kásipkerlerge (bala­baqshalar, medısınalyq mekeme­ler jáne t.b.) MJÁ joba­laryna bastama jasaýǵa jáne bala­maly usynystar bolmaǵan jaǵ­daıda, konkýrs ótkizbeı tikeleı kelis­sóz­der júrgizý negizinde shart jasaý múm­kindikterin beredi. MJÁ týraly zań ǵımarattarǵa, qurylystarǵa aqparattyq júıe­lerge taýarlardy jáne kórse­ti­letin qyzmetter men jumystardy dástúrli satyp alýdan jeke sek­torǵa servıstik fýnksııalardy berý arqyly servıstik modelge ótý­ge múm­kindik beredi. Mem­leket­tik qoldaý kórsetýdiń negizgi sha­rasy retinde taýarlardy, jumys­tar men kórsetiletin qyzmet­terdi satyp alýda uzaq merzimdi kepildemeler bolady. MJÁ týraly zańda jańa joba­lardy ınvestısııalyq jáne opera­sııalyq shyǵyndar ótemaqysyn, qoljetimdilik jáne memlekettik kepil úshin tólemdi qosa alǵanda, memlekettik qoldaýdyń barlyq arsenaly saqtalǵan. MJÁ týraly zań qazaqstandyq MJÁ ortalyǵy tarapynan onyń bar­­lyq qatysýshylaryn tolyq qyz­­mettik qol­daýdy, onyń ishinde zertteýler júrgizý jáne usynymdar ázirleý; jobalarǵa saraptama júrgizý; jobalardyń iske asyrylýyn baǵalaý; mamandardy oqy­tý; iske asyrylýy josparlanatyn MJÁ jobalarynyń tizbesin júr­gizýdi qarastyrady. Ortalyq MJÁ jo­ba­laryn konsýltasııalyq súıemeldeý boıynsha qyzmetter kórsetedi. MJÁ týraly zań qabyl­dan­ǵannan bastap elimizde básekelestik dıalog tetigi engizile bastady, onda memleket josparlanatyn MJÁ jo­basy týraly jarııalaıdy, al bar­lyq múddeli tulǵalar jobanyń tujy­rym­damasyn, konkýrstyq qujat­ta­many talqylaýǵa jáne ázir­leýge qatysa alady. Jalpy, jańa zań MJÁ-ni qol­daný salasy boıynsha shekteýlerdi alyp tastaýdy kózdeıdi, MJÁ-ge qatysýshylardyń sýbektilik quramyn keńeıtedi, MJÁ jobalaryna bastama jasaý jáne daıyndaýda jeke sektordyń rólin art­tyrady. «Memlekettik-jekeshelik árip­testik týraly» Zań memleket pen bıznes arasyndaǵy qatynastarda jańa belester ashady, ulttyq eko­no­mı­kanyń barlyq salalaryn­da MJÁ-ni qoldaný áleýetin keńeı­tedi jáne Qazaqstannyń jańa ósý modeliniń negizgi ele­ment­teriniń biri bolyp tabyla alady, dep atap ótti Ulttyq ekonomıka birinshi vıse-­mınıstri M.Qusaıynov. Joǵaryda atalǵan zańdy tú­sin­dirýge arnalǵan semınarlar Astana, Almaty qalalarynda, Qyzylorda, Batys Qazaqstan jáne Atyraý oblystarynda da ótti. Mereke TAŃATAROV.