Jarqyn bolashaqtyń shyraǵy

Elbasy N.Á. Nazarbaevtyń «Nur Otan» partııasynyń HVI sezindegi saılaýal­dy baǵ­dar­la­masy retinde Qazaq­stannyń bolashaq damý jolyna arnalǵan, bes ınstıtýttyq reformasy ha­lyq arasynda úlken qoldaý tapqan bolatyn. Osy reformalardy negizge ala otyryp «100 naqty qadam» Ult Jospary qabyldandy. El Prezıdentiniń jyl basynda «Egemen Qazaqstan» gazetinde ja­rııalanǵan «Ult Jospary – qazaqstandyq armanǵa bastaıtyn jol» atty maqalasy muǵalimder qaýymyna úlken serpilis ákeldi. Elbasy maqalasynda: «Ata-babalarymyzdyń kóptegen ur­paqtary úshin Qazaqstannyń táýelsizdigi asyl arman bolyp keldi. Biz olardyń azat jáne táýelsiz Otandy ańsaǵan kóp ǵasyrlyq qııaldaryn is júzine asyrdyq», dep eldik jaıly emirene aıtypty. Iá, bul maqalanyń dál osylaı bastalýynyń birneshe sebebi bar. Shynynda da, táýelsizdikti babalarymyz ǵasyrlar boıy ańsady. Endi mine, ol armanǵa da jettik. Elimiz táýelsizdik alǵaly shırek ǵasyrdaı ýaqyt boldy. Sodan beri Qazaqstanymyz qa­ryshtap damydy. Prezıdenttiń «Qazaqstan-2050» Strategııasy jarııalanǵannan beri elimiz álemdegi damyǵan otyz eldiń quramyna kirý úshin kúresip keledi. Degenmen, Ult Josparynda Qa­zaqstannyń armanymen qatar bas­ty nazar kásibı mem­lekettilik apparatty qurýǵa baǵyttalǵanyn da erekshe atap ótýimiz qajet. Sondyqtan ma­qa­lanyń ekinshi taraýy «Memleketti kásibılendirý» dep atalǵan. Sebebi, óz isine jetik, bilimdi jáne eljandy memlekettik qyz­metshilerdiń jańa kadrlyq korpýsyn konkýrs jáne merıtokratııa qaǵıdattary ar­qyly qa­lyp­tastyrmaıynsha Ult Jos­­paryn júzege asyrý múm­kin emes. Endi memlekettik qyz­met­­shiler memlekettik qyz­metke tómengi laýazymdardan bastap taǵaıyndalady. Bul óz kezeginde memlekettik qyz­met­shiniń, birinshiden, maman retinde qalyptasýyna, ekinshiden, halyqpen tyǵyz jumys isteýge, halyqtyń muń-muqtajyn tú­sinýge úıretedi. Ult Josparynyń kelesi bir ıgi qadamy – tómengi laýa­zym­darǵa qaǵıdattardy retteý jáne olardyń odan ári la­­ýa­zymdyq ósýi iskerlik qa­sıetteri arqyly iske asyrylady. Merıtokratııa qaǵıdatyna negizdelgen mem­lekettik qyz­metshilerdi taǵaıyn­daýdyń osyn­­daı júıesine kóshý – mem­le­kettik apparattyń sapasyn jaq­sartatyny sózsiz. Bul maqalada nazar aýdarylǵan taǵy bir mańyzdy másele, ult birligi. О́ıtkeni, búginde álem­niń barlyq damyǵan elderi birtektilik pen birlikti saqtaýdyń arqasynda órkendep otyr. Olar ózderiniń jańǵyrtýshy jobalaryn burynnan qalyptasqan birtektilik negizinde júzege asy­rýda. Elbasy bul týraly pikirin bylaı tujyrymdaıdy:   «Bizdiń jolymyz – ol birlik joly jáne azamattyq birtektilik negizinde ultty dáıektilikpen qalyptastyrý joly». Qazaqstan kópultty memleket. Qazir 130- dan astam ulttar men etnostar beıbit ómir súrýde. Sonyń bári Elbasymyz N.Á.Nazarbaevtyń asa parasattylyqpen júrgizgen saıasatynyń nátıjesi. Ult Jos­parynda bolashaǵy birtutas ultty dáıekti túrde nyǵaıta berýge múmkindik beretin eki negizdiń bar ekendigi atap kórsetilgen. Ol birinshiden, Qazaqstan halqy Assambleıasy. Onyń negizgi mıssııasy etnosaralyq beıbitshilik pen kelisimdi saqtaý. Ekinshiden, «Máńgilik El» jalpyulttyq ıdeıasy. «Máńgilik El» Qazaq­stannyń basty qazynasy. Qa­zaqstandyqtardyń basty armany táýelsizdikti saqtap, «Máń­gilik El» bolý. «Biz ózimizdiń qa­zaqstandyq armanymyzdyń oryndalýyna jáne elimizdiń órkendeýine senimdi túrde qol jet­kizetin bolamyz», degen Mem­­­leket basshysynyń sózderi bul maqalany oqyp shyq­qan ár qazaqstandyqqa oı salýy kerek dep oılaımyn. Bul Ult Jospary Túrkııanyń uly qaıratkeri Mus­tafa Kemaldyń «Alty jebe» baǵdarlamasy sııaqty elimiz­diń erteńin, bolashaq damýyn anyqtap beretin asa mańyzdy saıası strategııa. Birinshiden, «Bilim berý, den­saýlyq saqtaý jáne halyqty áleýmettik qoldaý salalaryn reformalaý adam áleýetiniń sapasyn arttyrýǵa jaǵdaı jasaıdy», deıdi. Iá, adam áleýeti sapasy jónindegi Qazaqstannyń Batys elderinen belgili bir artyq­shy­lyǵy bar. О́ıtkeni, eńbekke qabiletti jas adamdar Qazaqstan halqynyń kóp bóligin quraıdy. Maqalada bilim berý salasynda mektepke deıingi jáne mektepte bilim berýdiń jańa úılestirilgen standarttaryn ázirleý jáne bekitý boıynsha jumystar júrgizilip jatqany jan-jaqty kórsetilgen. «Bilim berý úsh tilde – qazaq, orys jáne aǵylshyn tilderinde júrgiziledi», – delingen maqalada. Bul sapaly bilim jáne batyl reformalar arqyly álemniń 30 damyǵan eliniń qataryna elimizdiń enýi, ǵylymy damyp, ekonomıkasy turaqty, qarqyndy naryq qurýǵa qoly jetken degen sóz. Álemdik praktıkada kez kelgen ıntegrasııa aldymen ǵylym, bilim, ıntellektýaldy básekelestikten bas­taý alady. Sonymen qatar, Ult Jos­parynda mektepterde joǵary synyptar men joǵary oqý oryn­darynda aǵylshyn tilinde oqytýǵa kezeń-kezeńimen kóshý qarastyrylǵan. Mundaǵy basty maqsat daıarlanatyn kadrlardyń básekelestik qabiletin arttyrý jáne bilim berý sektorynyń eksporttyq áleýetin kóterý. Ekin­shiden, kóptildiliktiń bo­la­shaqta jastardyń mádenı deńgeıiniń kórsetkishine aınalatynyn Elbasy jyl saıynǵy Joldaýlarynda aıtyp keledi. Bul osy maqalada da aıtyldy. Mektep bitirgen árbir oqýshy, Otanyn súıgen patrıot, elin súıgen maman bolyp qalyptasyp shyǵýy tıis dese, «Máńgilik El» ıdeıasy osy úshin qajet. Iаǵnı, tek qana ekonomıkalyq jetistikpen álemdik qatarǵa qosylý emes, eń aldymen, bilim berý jáne saıa­sı damý arqyly kórinýimizde qajet bolyp tur. Kez kelgen eldiń beriktigi eń aldymen , bilim berý, moral jáne mádenıettiń joǵary deńgeıimen anyqtalady. Elbasy maqalasynda atalyp ótken 59 zań elimizdiń bolashaǵy jáne ıgiligi úshin qabyldandy. Maqalada «100 naqty qadamnyń» bes reformasynyń árqaısysyna jan-jaqty taldaý jasalyp is-qımyl baǵdary aıqyndaldy.Bıýrokrattyq shyǵynsyz eko­nomıkaǵa qadam basý arqyly salyqtyq jáne kedendik ákim­shilik júrgizýdi jaqsartýǵa baǵyt­talǵan sharalar iske asatynyn da jetkizdi. Úshinshiden, memleket fýnksııalary endi básekeles ortaǵa jáne jergilikti ózin ózi basqarýǵa beriledi. Elbasy alǵa qoıǵan Ult Josparyn júzege asyrý úshin eń aldymen, elimizge pat­rıottyq sezimi kúshti, ana tilin qurmetteıtin, rýhanı baı, ıntellektýaldy qabileti myqty memlekettik qyzmetkerler kerek. Sondyqtan men óz árip­tes­terimdi jáne búkil Qazaqstan hal­qyn Elbasy usynǵan Ult Josparyn qoldap, ony júzege asyrýǵa úles qosýǵa shaqyramyn.  Baqytgúl AÝǴANBAEVA, Daryndy balalarǵa arnalǵan oblystyq Jambyl atyndaǵy mamandandyrylǵan mektep- gımnazııa-ınternaty dırektorynyń ınnovasııalyq jumystar jónindegi orynbasary.  О́SKEMEN.