AQTО́BE. 28 qańtar. Aqtóbe qalasynda Ishki ister mınıstrligi «Aqparattyq-óndiristik ortalyǵy» respýblıkalyq memlekettik kásipornynyń fılıaly ashyldy. Bul týraly egemen.kz tilshisi habarlady.
Buǵan deıin atalǵan kásiporynnyń fılıaldary Almaty men Shymkent qalalarynda ǵana ashylǵan edi. Bul Astanadaǵy bas kásiporynnyń úshinshi fılıaly bolyp tabylady. Ashylý saltanatyna oblys ákimi Berdibek Saparbaev qatysyp, quttyqtaý sóz arnady. О́ńir basshysy Elbasy Nursultan Nazarbaevtyń halyqqa qyzmet kórsetýdi jaqsartýǵa jáne qoljetimdiligin qamtamasyz etýge basa nazar aýdaryp kele jatqanyn atap ótti.
Munda jeke basty kýálandyratyn qujattar – azamattardyń tólqujaty men kýálikteri shyǵarylady jáne daıyndalady. Buryndary bul qujattardy alýǵa bir aıǵa jýyq ýaqyt ketetin bolsa, endi bul merzim anaǵurlym qysqarady.
Sonymen qatar, ázirge Aqtóbeden basqa, Atyraý, Mańǵystaý jáne Batys Qazaqstan oblystaryna da osy baǵyttaǵy qyzmetterdi kórsetedi. Keıin Qostanaı oblysyna da osyndaı qyzmet qórsetetin bolady.
Fılıal ǵımaratyn oblystyq ákimdik bólgen. Oǵan kúrdeli jóndeý júrgizilip, tólqujat pen jeke kýálikterdi basyp shyǵaratyn Germanııanyń ozyq zamanaýı tehnologııalyq qondyrǵysy ornatylǵan. Munyń barlyǵyna Ishki ister mınıstrliginiń «Aqparattyq-óndiristik ortalyǵy» respýblıkalyq memlekettik kásiporny 800 mıllıon teńge jumsaǵan. Fılıalda jańadan 40 jumys orny ashyldy.
Satybaldy Sáýirbaı.
Derek, sýret: egemen.kz.
