Almatyda «Mezet nemese jaı ǵana ómir» fılminiń tusaýkeseri ótedi

ALMATY. 1 aqpan. Búgin keshke Almatydaǵy «Mega» oıyn-saýyq-saýda ortalyǵynyń Chaplin Cinemas kınozalynda tolyqmetrajdy «Mezet nemese jaı ǵana ómir» kórkem fılminiń tusaýkeseri ótedi. Bul týraly egemen.kz tilshisi habarlady. «Mezet nemese jaı ǵana ómir» fılmi – bul respýblıkadaǵy eń jas rejısserlerdiń biri, Qazaq ulttyq óner ýnıversıtetiniń stýdenti Aqjol Ábilovtiń debıýttik jumysy ekendigin aıta ketken jón. Fılmdegi basty róldi tanymal akter Nurjan Sadybekov oınaıdy. Odan ózge bas keıipkerler qatarynda Nurjan Tutov, Gúlbahram Baıbosynova, Almat Saqatov, Erden Telemisov, Azat Seıtmetov syndy belgili akterler bar. Jańa otandyq kınokartına kópshilikke asa tanymal emes birqatar jastardyń ónerge degen ózindik joldamasy bolmaq. Shynaıy oqıǵaǵa qurylǵan ssenarıı Ardaq Qaryqbolovamen birlesip jazylǵan. Fılmniń tusaýkeser saltanatyna aqparat quraldary ókilderinen basqa, mádenıet, sport salasyndaǵy qoǵam qaıratkerleri, akterler qatysady dep kútilýde. Tusaýkeser barysynda fılm avtorlary ssenarıı qurý, úrdiske qajetti quraldar, tehnıka jáne túsiriletin eldi-mekender izdegeni jóninde áserli áńgimelerimen bólispek. Sondaı-aq, jumys kestesiniń tyǵyzdyǵyna qaramastan, Nurjan Sadybekov basty róldi mardymsyz aqyǵa oınaýǵa nelikten keliskendigi jaıly baıandap beredi. Aınash Esalı. Derek: egemen.kz. Sýret: brod.kz.