Soltústik Qazaqstan maıdangeriniń týystaryna izdeý salyndy

Petropavl. 1 aqpan. Reseıdiń Astrahan oblysynda jumys isteıtin qyzyl izshilder soltústikqazaqstandyq áriptesterine arnaıy hat jazyp, maıdan dalasynda súıegi tabylyp, aty-jóni anyqtalǵan Prokopıı Tretıakov esimdi maıdangerdiń týystaryn izdep tabýǵa kómektesýdi ótingen. Bul týraly  Petropavldaǵy «Izdeý» («Poısk») otrıadyna silteme jasaǵan egemen tilshisi habarlady. Prokopıı Tretıakov – Qyzyljar óńiriniń týmasy. 1922 jyly týǵan. Armııa qataryna Býlaev aýdany (qazirgi Maǵjan Jumabaev) Malınovka aýylynan shaqyrylǵan. 1942 jyly habarsyz ketken. Byltyr Jeńistiń 70 jyldyǵy qarsańynda reseılik qyzyl izshilder qandy shaıqastar ótken Hýlhýta eldi mekeniniń mańaıyn qazý barysynda 12 qazaqstandyq jaýyngerdiń súıegin taýyp, aty-jónderin naqtylaǵan. Solardyń biri Prokopıı Tretıakovtyń týystaryna izdeý salyp, teriskeıdegi áriptesterine ótinish joldapty. Týystary tabylyp jatsa, jeke zattaryn tabystaýǵa ýáde berip, meken-jaılary men telefondaryn qaldyrǵan. О́mir Esqalı. Derek: «Izdeý» otrıady. Sýret: express-k.kz.