О́rlegen óndiris

Aımaqta údemeli ındýs­trııalyq-ınnova­sııa­lyq damý memlekettik baǵ­dar­lamasy aıasynda júzege asqan jobanyń biri – keramıkalyq kúıdirilgen kirpish shyǵarý zaýyty. «Maksıma logıstıks Qazaq­stan» seriktestigi qolǵa alǵan ke­ra­mıkalyq kirpish shyǵaratyn zaýyt sáýir aıynan bastap iske qosyldy. Jalpy quny 300 mıllıon teńgeni quraıtyn óndiris orny ýkraınalyq «Krasnyı oktıabr» kompanııasynyń tehnologııasymen jabdyqtalǵan. Búginde munda eki túrli pishindegi M125 markaly keramıkalyq kirpish shyǵarylady. Otandyq ónim óndirýdi qolǵa alǵan zaýyt kúnine shamamen 28 myńnan astam keramıkalyq kirpish shyǵarady. Qazir munda qyryqqa jýyq adam turaqty jumyspen qamtylǵan. Zaýyttaǵy qyzý tirlik túngi 11-de bastalyp, tańǵy 7-de aıaqtalady. Sebebi, bul ýaqytta toq kózin paıdalaný tıimdi deıdi mamandar. «Bul kásiporynnyń qalyptasý kezeńindegi qatań ekonomıkalyq saıasatynyń biri deýge bolady. Elektr energııasynyń saralanǵan tarıfterin qoldaný shyǵyndy edáýir azaıtýǵa kómektesedi. Biz­diń zaýyt osyndaı joǵary sa­pa­da keramıkalyq kirpish óndi­re­tin Qyzylordadaǵy jalǵyz kásiporyn», deıdi zaýyt dırektory Serik Bapalaqov. «Maksıma logıstıks Qazaq­stan» JShS zaýyty tolyǵymen avtomattandyrylǵan. Adam kúshin asa qajet etpeıdi. Jylyna 15 mıllıon dana kirpish óndirýge qaýqarly kásiporynda búginde qarqyndy jumys júrip jatyr. Shıkizat arnaıy karerden alynyp, zaýytqa jetkiziledi. Sodan keıin topyraq usaqtalyp, ylǵaldandyrylady. Arnaıy apparat arqyly qalypqa quıylyp, kirpish bolyp shyǵady. Ylǵal kir­pishti arnaıy tehnıkanyń kó­me­gimen peshke salyp, 870 gra­dýsta qyzdyrady. Ystyqqa ábden kúıdirilgen keramıkalyq kir­pishtiń sapasy joǵary, eń bas­tysy, sýyqqa tózimdi. Baǵasy da kópshilikke qoljetimdi. Kún sanap kórkeıip, qurylysy qarqyn alǵan aımaqta atalǵan ónimge degen suranys joǵary. Ká­sip ıesi aldaǵy ýaqytta óz ónim­derin paıdalanyp, záýlim nysandar turǵyzbaq nıette. Nurbek DÁÝRENBEKOV, jýrnalıst. Qyzylorda oblysy.