Facebook jelisi lańkestikpen kúresti kúsheıtedi

ASTANA. 13 aqpan. Facebook áleýmettik jelisiniń basshylyǵy terrorızmmen kúresti kúsheıtýge bel býdy. Endi jelide lańkestikke qatysty materıal taratýshylar qatań baqylaýǵa alynyp, olardyń jolyn kesilmek. Bul týraly TASS aqparat agenttigine silteme jasaǵan egemen.kz tilshisi habarlady. The Wall Street Journal basylymynyń málimdeýinshe, AQSh bıligi Facebook-ke «qysym kórsetip», soǵan oraı jeli qyzmetkerleri qoldanýshy jazbalarynyń ekstremızmge qatysy bar-joǵyn belsene tekserýdi qolǵa aldy. Osyǵan qatysty basylym betine jarııalanǵan maqalada: «Álemdegi iri áleýmettik jeli lańkestik toptarǵa qoldaý bildirgen qoldanýshylardyń paraqshalaryn burynǵydan jyldamyraq buǵattaı bastady. Sondaı-aq, olardyń dostaryna jazǵan hattary da tekseriledi. Tipti terrorızmge baılanysty jazbalarmen aınalysatyn arnaıy top quryldy», – delingen. Facebook áleýmettik jelisiniń negizin 2004 jyldyń 4 aqpanynda Mark Sýkerberg qalady. Búginde jelini álem boıynsha aıyna 1,5 mlrd. adam qoldanady. Elaman Qońyr. Derek: TASS. Sýret: AP Photo.