Jambyl oblysynda kabel urlaǵan kúdiktiler ustaldy

TARAZ. 15 aqpan. Jambyl aýdandyq ishki ister basqarmasynyń qyzmetkerleri on eki qylmys jasaǵan kúdiktilerdi qolǵa túsirdi. Bul týraly Jambyl oblysy ishki ister departamentiniń baspasóz qyzmeti habarlady. Jyl basynan beri Jambyl aýdandyq IIB-na belgisiz bireýlerdiń «Qazaqtelekom» AQ ornatqan telefon kabelderin qıyp, qoldy qylǵandary týraly shaǵym túsken bolatyn. Iri kólemde materıaldyq shyǵyn keltirgen kúdikti tulǵalardy quryqtaý úshin Jambyl AIIB-niń tájirıbeli qyzmetkerleri qatarynan jyljymaly top qurylyp, jedel izdestirý is-sharalaryn júrgizdi. Nátıjesinde oryn alǵan qylmysqa qatysy bar degen kúdikpen 21-23 jastaǵy úsh azamatty qolǵa túsirdi. Kúdikti tulǵalar qańtar aıynyń altysynda sóz baılasý arqyly qylmystyq oılaryn Túrksıb aýylynan bastap, sońǵy qylmysyn aqpan aıynyń úshinde jasaǵan. Olar kóshe boıyndaǵy baǵanalarda ornatylǵan «Qazaqtelekom» AQ telefon kabelderin qıyp, alyp ketip otyrypty. Paıdanyń ońaı jolyn olja qylǵan, sezikti tulǵalar qylmystaryn kásipke aınaldyrǵan syńaıly, bir aýyldyń ózinde birneshe ret aram oıyn júzege asyrǵan. Búgingi kúni ustalǵan tulǵalar óz kinálaryn tolyq moıyndady. Qazirgi tańda kúdiktiler basqa da qylmystarǵa qatysy bar-joqtyǵy tekserilip, keltirilgen shyǵyn kólemi anyqtalýda. Atalmysh derek boıynsha QR QK 187–babynyń 1-bólimi, 188-babynyń 2-bólimi 2,3-tarmaqtarymen qylmystyq is qozǵalyp, sotqa deıingi tergeý jumystary júrgizilýde. Oralhan Dáýit. Derek, sýret: egemen.kz