Leonardo Dı Kaprıo somdaǵan fılm úzdik dep tanyldy

ASTANA. 15 aqpan. Brıtanııalyq kıno jáne teleóner akademııasy ótkizgen saltanatty keshte Leonardo Dı Kaprıo somdaǵan «Itjekken» (The Revenant) fılmi úzdik dep tanyldy. Bul týraly ria.ru saıtyna silteme jasaǵan egemen.kz tilshisi habarlady. Saltanatty keshti opera jáne balet teatrynda akter ári shoýmen Stıven Fraı júrgizdi. «Itjekken» fılmi úshin berilgen syılyqty basty rólde oınaǵan Leonardo Dı Kaprıo jáne fılmniń rejısseri Alehandro Gonsales Inıarrıtý aldy. 2015 jyldyń qorytyndysy boıynsha, úzdikter qataryna «Kerol» (Carol), «Shpıondyq kópir» (Bridge of spies), «Kópshilik nazarynda» (Spotlight) jáne «Quldyraý úshin» (The big short) fılmderi kirdi. Úzdik aktrısa ataǵyn «Bólme» (Room) fılmindegi róli úshin Brı Larson aldy. Al ekinshi plandaǵy úzdik aktrısa syılyǵyn «Stıv Djobs» fılmine baılanysty Keıt Ýınslet ıelendi. Ekinshi plandaǵy úzdik akter nomınasııasyn «Shpıondyq kópir» fılminde oınaǵan Mark Raılens jeńip aldy. Al úzdik derekti fılm syılyǵy ánshi Emı Ýaınhaýstyń ómiri jaıly túsirilgen «Emı» týyndysyna berildi. Aıan Ábdýálı. Derek, sýret: ria.ru.