ALMATY. 15 aqpan. Ál-Farabı atyndaǵy Qazaq ulttyq ýnıversıtetiniń kitaphanasynda jazýshy Adolf Arsıshevskııdiń «Bıgeldi Ǵabdýllın: Táýbege quqylyq» atty kitabynyń ekinshi basylymy oqyrmandarmen tanystyryldy. Derekti roman-esse «Uly qonys» kitabynyń avtory, pýblısıst Bıgeldi Ǵabdýllınniń ómir jolyna arnalǵan. Bul týraly Qazaq ulttyq ýnıversıtetiniń baspasóz qyzmetine silteme jasaǵan egemen.kz tilshisi habarlady.
Belgili qalamger Bıgeldi Ǵabdýllın qazir Central Asia Monitor atty respýblıkalyq gazettiń bas redaktory ári shyǵarýshysy.
Kezdesý barysynda kitap avtory Adolf Arsıshevskıı zamandasynyń ómirdegi erkindigi men shyǵarmashylyq umtylys-talaptary jaıynda áńgimelep berdi. Sondaı-aq, stýdentter men kesh qonaqtarynyń suraqtaryna jaýap berdi.
«Avtordyń arhıv betterin talmaı zerttegeni kórinip-aq tur. Kitap syrly sezimge toly. Avtordyń ózindik ereksheligi kitaptyń tildik jeńildigimen, ensıklopedııalyq naqtylyǵymen sıpattalady», – dedi fılologııa ǵylymdarynyń doktory, professor Aslan Jaqsylyqov.
Talǵat Súıinbaı.
Derek, sýret: Ál-Farabı atyndaǵy Qazaq ulttyq ýnıversıtetiniń baspasóz qyzmeti.
