Jambyl oblysynda kómek kórsetpegen polıseıler jazaǵa tartyldy

TARAZ. 15 aqpan. Sarysý aýdanynda apatqa ushyraǵan jandarǵa eshqandaı kómek kórsetpegen eki polısııa qyzmetkeri jazaǵa tartyldy. Bul týraly en.kz tilshisi habarlady. 2015 jyldyń jaz aıynda Saýdakent aýyly mańynda eki ýchaskelik ınspektor «Lada Granta» kóligin toqtatqan. Biraq kólik ıesi polısııanyń talabyna baǵynbaı, qasha jónelipti. Júrgizýshiniń qasynda bir jolaýshy bolǵan. Sonyń kesirinen polısııadan qashqan kólik júrgizýshisi rýlge ıe bola almaı, aýdarylyp, apatqa ushyraǵan. Al, polısııa qyzmetkerleri eshqandaı medısınalyq kómek kórsetpesten zardap shegýshilerdi oqıǵa ornyna tastap ketipti. Apat saldarynan kóliktegi jolaýshy esin jımastan Sarysý aýdandyq ortalyq aýrýhanasynda qaıtys boldy. Al, kólik júrgizýshisiniń mıy shaıqalǵan. Sot eki polısııa qyzmetkerin de shenderinen aıyryp, probasııalyq baqylaý merzimimen eki jylǵa bas bostandyǵynan aıyrýǵa jaza kesti. Oralhan Dáýit. Derek, sýret: egemen.kz