ALMATY. 15 aqpan. Almatydaǵy Ábilhan Qasteev atyndaǵy Qazaqstan Respýblıkasynyń memlekettik óner murajaıy men Ábilhan Qasteevtiń murajaı-úıi «Ábilhan Qasteev. Oıý-órnekter ornamenty» atty albom-kitabynyń tusaýkeserin 17 aqpan kúni ótkizedi. Bul týraly egemen.kz tilshisi habarlady.
Albom-kitapta Qazaqstannyń halyq sýretshisi, Shoqan Ýálıhanov atyndaǵy memlekettik syılyǵynyń ıegeri Ábilhan Qasteevtiń qolynan shyqqan avtorlyq oıý-órnekteriniń otbasylyq muraǵatta saqtalyp qalǵan úlgileri kórinis tapqan.
Sýretshiniń qyzdary Gúldárııa men Gúlnázııa mol muranyń ishindegi osynaý bir ózgeshe óner týyndylaryn saqtaı kele, kópshilik qaýymnyń ıgiligine aınaldyrý úshin talaptanǵan.
Kitap «Atamura» korporasııasy jaýapkershiligi shekteýli seriktestiginiń demeýshiligimen 2015 jyldyń sońynda «Atamura» baspasynan jaryq kórdi. Albom-kitaptyń alǵysózin jazǵan Gúlnázııa Ábilhanqyzy Qasteeva.
Tusaýkeserge ónertanýshylar, sýretshiler, qolóner sheberleri, jýrnalıster, óner oqý oryndarynyń ustazdary men shákirtteri shaqyrylady dep kútilýde.
Aınash Esalı.
Derek, sýret: egemen.kz.
