Almatyda múlik jarııalaýdyń jańa rekordy jasaldy

ALMATY. 15 aqpan. Almatyda múlikti jarııalaýǵa baılanysty zańǵa tıisti ózgerister men jeńildikter engizilgeli beri bul sharaǵa qatysýǵa ynta tanytýshylar sany kún sanap kóbeıip keledi. Bul týraly Almaty qalalyq memlekettik kirister departamentiniń baspasóz qyzmetine silteme jasaǵan egemen.kz tilshisi habarlady. Jalpy buqara halyq múlikti jarııalaýdyń bolashaqtaǵy paıdasy men 2017 jyldan bastap jalpylama deklarasııalaý kezeńi aldyndaǵy úlken jeńildik ekenin jete túsine bastady. Naqtyraq aıtqanda, 2015 jyly Almaty qalalyq memlekettik kirister departamentiniń aýdandyq basqarmalaryna múlikti jarııa etý jóninde 12 ǵana ótinish túsip, 807,8 mıllıon teńgeniń ǵana múlki jarııa etilgen bolatyn. Al bıyl qańtar aıynyń ózinde ǵana múlikti jarııa etýge baılanysty 30 ótinish túsip, aqsha men jyljymaıtyn múlikti qosqanda 34,2 mıllıard teńgeniń múlki jarııa etildi. Iаǵnı, bir aıdaǵy kórsetkish bir jyldyń kórsetkishinen 42 ese asyp ketip otyr. Bul árıne, rekord ekeni sózsiz. Mundaı jetistikke qalalyq memlekettik kirister departamentiniń ortalyq apparaty men aýdandyq basqarmalary qyzmetkerleriniń jumysty durys uıymdastyrýy, júıeli nasıhat júrgizýi jáne kópshilikke arnap jıi semınarlar men «ashyq esik» kúnderin ótkizýi nátıjesinde qol jetkeninde daý joq. Sondyqtan da múlikti jarııa etý aksııasy jyl aıaǵyna deıin kún tártibindegi eń mańyzdy máselelerdiń biri bolyp qala beredi. Múlikti jarııa etýge múddeli sýbektiler úshin memlekettik kiris organdarynyń esigi árdaıym ashyq. Aınash Esalı. Derek, sýret: Almaty qalalyq memlekettik kirister departamentiniń baspasóz qyzmeti.